ارىستىق جاسوسپىرىمدەر جامبىلدا دەمالۋدا

وسى ۋاقىتقا دەيىن ارىس قالا­سىنان كەلگەن 101 وقۋشى جام­بىل اۋدانى, جاسوركەن اۋىلى­نىڭ اۋماعىندا ورنالاس­قان «بولاشاق» ساۋىقتىرۋ لاگەرىنە جىبەرىلگەن بولاتىن. سونىمەن قاتار بۇگىندە 16 بالا جۋالى اۋدانىنداعى «تاۋ سامالى» ساۋىقتىرۋ كەشە­نى مەن «بايتەرەك» لاگەرىن­دە دەمالۋدا. جۋىردا تاعى دا ارىستىق 100 جەتكىن­شەك اۋليە­اتا وڭىرىنە كەلدى. با­لا­­لار­دى جامبىل وبلىس­تىق ءبىلىم باسقارماسى باسشىسى­نىڭ ورىنباسارى ءجاميلا بەك­باتىروۆا كۇتىپ الدى. تاراز قالا­سىنداعى مەكتەپ وليمپيا­دالارىن جانە مەكتەپتەن تىس ءىس-شارالاردى وتكىزەتىن وب­لىس­تىق ورتالىقتا ارىستان كەل­گەن جاسوسپىرىمدەرگە بالمۇز­داق تارا­تىلدى. سونىمەن قاتار اتال­­عان ورتالىقتىڭ ونەر­لى ءشا­­كىرت­تەرى كورشى ءوڭىر­دەن كەل­گەن قوناقتارعا ارناپ كونتسەرتتىك باعدارلاما ۇيىم­داس­تىردى. شارا بارىسىندا ءجاميلا بەكباتىروۆا ارىس­تىق بالالارعا جىلى لەبى­زىن جەتكىزىپ, جازعى دەمالىس­تا جاڭا دوستار تابۋعا تىلەكتەس­تىك ءبىل­دىردى. 

سونداي-اق ول ءوز ءسو­زىندە جازعى دەمالىس لا­­گەر­­لەرىند­ە وقۋشىلاردىڭ شى­­عار­­ما­شىلىق الەۋەتىن دامى­تۋ­­عا بارلىق مۇمكىندىكتىڭ قا­راس­تى­رىل­عانىن دا اتاپ ءوتتى. مۇن­دا بالالارعا ارنا­لىپ دەما­لۋ­عا قاجەتتى سپورت­تىق, شو­مى­لۋ كيىم­دەرى مەن گيگيە­نالىق زاتتار, سونىمەن قاتار باس كيىم­دەر مەن اياق كيىمدەر تاراتىلدى.

وڭىرگە كەلگەن 100 ءجاسوس­پىرىم­نىڭ ىشىنەن 15 بالا ت.رىس­قۇلوۆ, 30 بالا مەركى, 20 بالا بايزاق جانە قالعان 35 بالا جۋالى اۋداندارىنا جىبەرىلدى. ولار اتالعان اۋدانداردا ورنالاسقان دەمالىس لاگەرلەرىندە 20 كۇننەن استام تىنىعىپ, تىنىعۋ بارىسىندا ءتۇرلى قويىلىمدار مەن وزگە دە تانىمدىق كەشتەردى تاماشالايتىن بولادى.