– وزدەرىڭىز بىلەسىزدەر, ءبىزدىڭ ولكەتانۋ قوعامىمىزدىڭ مۇشەلەرى شىعىس قازاقستان تاريحىن جەتە زەرتتەۋمەن اينالىسىپ كەلەدى. مەن بۇل اينانى سەمەي قالاسىنىڭ ماڭىنان, شامامەن 20 شاقىرىم جەردەن تاپتىم. اينانىڭ ورتاسى تەسىلگەن بولىپ شىقتى. ءتىپتى اينا ادامدار جەرلەنگەن قورىمنان الىنعان دەگەن نۇسقا دا بار. سيقىرلى اينانى قابىرگە سالماس بۇرىن, ونى كەيىن ەشكىم پايدالانباۋى ءۇشىن ارنايى تەسىپ, بۇزعانىن بايقادىق.
مارات ساسانوۆتىڭ ايتۋىنشا, بۇل سيقىرلى ايناعا شامامەن 1000 جىل بولعان. سەبەبى وندا قىتاي يەروگليفتەرى انىق كورىنەدى. قولادان جاسالعان, ءپىشىنى قيسىقتاۋ كەلگەن.
اينا ارقىلى قابىرعاعا كۇن ساۋلەسىن تۇسىرگەندە, قابىرعادا ارتقى جاقتا ورنالاسقان سۋرەتتەر نەمەسە جازبالار پايدا بولادى ەكەن. سول ءۇشىن دە ونى تىلسىم دۇنيەلەرمەن بايلانىستىراتىن كورىنەدى.
كورمەنى دايىنداۋ بارىسىندا مۋزەي قىزمەتكەرلەرى كونە بۇيىمنىڭ وزگە دە سيقىرلى قاسيەتتەرىن بايقاعان. ولار ەكسپوناتتى ءجىپكە ىلگەندە سيقىرلى اينا جان-جاققا جىلجىپ, بەت جاعىمەن بۇرىلماعان ەكەن. ايتا كەتۋ كەرەك, مۋزەيگە جىل سايىن ءحىح عاسىردىڭ ءتۇرلى دۇنيەلەرى ءتۇسىپ جاتادى. بۇل مۋزەي فەدور دوستوەۆسكي مەن شوقان ۋاليحانوۆقا قاتىستى تىڭ دەرەكتەردى ساقتاپ وتىر.
راۋشان نۇعمانبەك,
«ەgemen Qazaqstan»
سەمەي