بەيسەنبى, 21 اقپان 2013 7:17
جەتىمىن جىلاتپاعان, جەسىرىن قاڭعىرتپاعان ەل ەدىك. قۇندىلىقتار قۇبىلىپ, وزگەرىپ جاتقان زامان عوي. وزەكتى وكىنىش ورتەگەنىمەن, جەتىمدەر جەتەرلىك, جەسىرلەر دە از ەمەس. ەندى قايتپەك كەرەك؟ جەتىمنىڭ باسىنان سيپاي الماساق, ەلدىگىمىز قايدا؟ جىلاعان جەسىردىڭ كوز جاسىن سۇرتۋگە جاراماساق, ازاماتتىعىمىزعا سىن ەمەس پە؟
بەيسەنبى, 21 اقپان 2013 7:17
جەتىمىن جىلاتپاعان, جەسىرىن قاڭعىرتپاعان ەل ەدىك. قۇندىلىقتار قۇبىلىپ, وزگەرىپ جاتقان زامان عوي. وزەكتى وكىنىش ورتەگەنىمەن, جەتىمدەر جەتەرلىك, جەسىرلەر دە از ەمەس. ەندى قايتپەك كەرەك؟ جەتىمنىڭ باسىنان سيپاي الماساق, ەلدىگىمىز قايدا؟ جىلاعان جەسىردىڭ كوز جاسىن سۇرتۋگە جاراماساق, ازاماتتىعىمىزعا سىن ەمەس پە؟
قىزىلوردادا «سابيلەر ءۇيى» اشىلدى. اسىلىندە, مۇنى جەتىمدەر ءۇيى دەپ تۇسىنۋگە بولمايدى. مۇندا قانداي بالالار جاتادى؟ ارينە, الدىمەن جەتىم بالالار ورنالاستىرىلادى. اتا-اناسىنىڭ قامقورلىعىنان تىس قالعان سابيلەر وسىندا تۇرماق. بۇگىنگى كۇنى نەكەسىز بالالار دا كەلىپ جاتىر ومىرگە. ولار دا وسىنداعى مامانداردان مەيىرىم تاپپاق. سونىمەن بىرگە, قازىرگى كەزدە ومىرگە ەندى عانا كەلگەن شارانانىڭ دا دەنساۋلىعى ناشار بولىپ جاتادى. ايتالىق, اقىل-ويى دامىماي قالادى. دەنە مۇشەسىنىڭ دامۋىندا كىنارات بولادى. وسىنداي بالالارعا دا «سابيلەر ۇيىندە» مەديتسينالىق قىزمەت كورسەتىلەدى.اتالعان ورتالىق جاقىندا عانا پايدالانۋعا بەرىلدى. ايالى مەكەن 60 بالاعا ارنالعان. وندا جاتىن ورىندارى مەن ءار توپقا بولىنگەن بالالاردىڭ بولمەلەرى بار. ماسەلەن, «بالاپان» توبىندا – 10, «قارلىعاش» توبىندا – 6, ارنايى مامانداندىرىلعان ەكى «بوتاقان» توبىندا – 8, سونداي-اق, ەكى بولىكتەن قۇرالعان «ءۇمىت» توبىندا – 13 بالا بار.«سابيلەر ۇيىندە» فيزيوتەراپيا كابينەتى, ەگۋ بولمەسى, مەديتسينالىق قالدىقتار, ءدارى-دارمەكتەر ساقتايتىن جانە قابىلداۋ بولمەلەرى جۇمىس ءىستەيدى. وندا 2 دارىگەر, 2 لوگوپەد, 1 پەداگوگ-پسيحولوگ, 1 دارىگەر-پسيحولوگ جانە 26 ورتا بۋىن مەديتسينا قىزمەتكەرلەرى, ونىڭ ىشىندە 4 تاربيەشى قىزمەت ەتەدى.مۇندا بالالار 3 جاسقا دەيىن تاربيەلەنبەك. ال پسيحيكاسىنا زاقىم كەلمەي ورتالىق نەرۆ جۇيەسى بۇزىلعان جانە ەستۋ, ءسويلەۋ قابىلەتتەرى جوق بالالاردى 4 جاسقا دەيىن تاربيەلەيدى. ودان بولەك, تاعى ءبىر توپتاعى بالالاردى «سابيلەر ءۇيىنىڭ» اكىمشىلىگى ءوز تاراپىنان 5 جاسقا دەيىن تاربيەلەي الادى.الاقايلاپ جازاتىن اقپارات ەمەس ەدى. بىراق دۇنيە ەسىگىن اشقاننان قوعامنىڭ قاتىگەزدىگىن كورىپ, اتا-انانىڭ ايالى الاقانىن سەزىنبەگەن سابيلەرگە جان جىلۋىن بەرەتىن ورتالىقتىڭ اشىلعانىنا قۋانىپ جاتقان جۇرتشىلىق كوپ. ەڭ بولماعاندا, بالالار قارىنى توق, كيىمى كوك, دەنى ساۋ بولىپ جەتىلەدى عوي.ەرجان بايتىلەس,«ەگەمەن قازاقستان».قىزىلوردا.