حالىق نازارىنداعى ماڭىزدى ىسكە IT-كومپانيالاردى تارتىپ, ولاردىڭ قىزىعۋشىلىعىن ارتتىرۋدى كوزدەگەن شارا بارىسىندا كوميتەتتىڭ وكىلى سايان ابدىشەۆ العا قويىلىپ وتىرعان مىندەتتەر مەن جوسپارلاردى ورتاعا سالدى. «قازىر كوميتەتتىڭ الدىڭعى كەزەكتەگى باستى جۇمىسىنىڭ قاتارىندا – حالىققا ارنالعان مەديتسينالىق قىزمەت كورسەتۋدى جوعارى ساپالى ەتۋ جولىندا ۇدەمەلى تسيفرلاندىرۋعا قول جەتكىزۋ مىندەتى تۇر» دەگەن سايان ابدىشەۆ IT سالاسىنداعى بيزنەس وكىلدەرى مەن بارلىق جينالعانداردىڭ نازارىن اۋدارىپ.
اشىق ەسىك كۇنىندە ءسوز العان دەنساۋلىق ساقتاۋ ۆيتسە-ءمينيسترى ولجاس ابىشەۆ دەنساۋلىق ساقتاۋ مينيسترلىگىندەگى تسيفرلاندىرۋ ءوفيسىنىڭ ماڭىزىنا توقتالا كەلە IT وكىلدەرىمەن قازىرگى ۇدەرىستەردى جەتىلدىرە ءتۇسۋ جولدارى, اۋتسورسينگكە بەرىلەتىن جوبالار مەن بىرىگە اتقارىلاتىن جاڭا يدەيالار تۋراسىندا وي ءبولىستى. «تسيفرلاندىرۋ ءوفيسى IT قاۋىمداستىعى تاراپىنان ايتىلاتىن جاڭا ۇسىنىستار مەن باستامالاردى قولداۋعا اركەز دايىن. سالانى تسيفرلاندىرۋ مەديتسينانى دامىتۋدىڭ اسا ماڭىزدى بولىگى, سوندىقتان دا IT قاۋىمداستىعىن ارىپتەستىك قيمىلعا, دەنساۋلىق ساقتاۋ سالاسىن تسيفرلاندىرۋعا باعىتتالعان يگىلىكتى جوبالاردى تىزە قوسا ارەكەت ەتۋگە شاقىرامىز», دەدى.
«ەگەمەن-اقپارات»