وبلىس اكىمدىگى مەملەكەتتىك ساۋلەت-قۇرىلىس باقىلاۋ باسقارماسىنىڭ باسشىسى بەرىك تاڭجارىقوۆ حابارلاعانداي, قالا 17 سەكتورعا بولىنگەن, قوستاناي وبلىسىنا №16 سەكتور بەكىتىلگەن. سەكتورداعى نىسانداردىڭ سانى - 671, ونىڭ ىشىندە 659 - جەكە ءۇي جانە التى الەۋمەتتىك نىسان, التى تەمىر جول نىسانى بار.
«ءبىز 612 ءۇيدى تەكسەردىك. 88 ءۇي اقاۋسىز قالدى, سەگىزى تولىعىمەن قيراعان. جوندەۋگە جاتاتىن 516 ءۇيدىڭ 158-ءى كۇردەلى, قالعان 358-ءى اعىمداعى جوندەۋدى قاجەت ەتەدى. ءبىزدىڭ سەكتورداعى قالپىنا كەلتىرۋ جۇمىستارىنىڭ بارىسى قوستاناي وبلىسىنىڭ اكىمى ا. ب. مۇحامبەتوۆتىڭ جەكە باقىلاۋىندا. مەن كۇن سايىن ونىڭ الدىندا اتقارىلعان جۇمىس تۋرالى ەسەپ بەرەمىن» دەيدى بەرىك قۋانىش ۇلى.
قوستاناي وبلىسىنا بەكىتىلگەن سەكتورداعى قۇرىلىس-مونتاج جۇمىستارى ءۇشىن جەرگىلىكتى كومپانيالاردىڭ قىزمەتكەرلەرى تارتىلدى. بۇدان بۇرىن بريفينگتە قوستاناي وبلىسىنىڭ اكىمى ارحيمەد مۇحامبەتوۆ ايتقانداي, بۇل ەكونوميكالىق جاعىنان ءتيىمدى نۇسقا.
بەرىك تاڭجارىقوۆ بۇگىنگى تاڭدا 139 نىساندا جۇمىس باستالعانىن, ونىڭ ىشىندە بەسەۋى جاڭا ۇيلەردىڭ قۇرىلىسى ەكەنىن ايتتى. كۇردەلى جوندەۋدى قاجەت ەتەتىن 82 نىساندا شاتىردى بولشەكتەۋ جانە مونتاجداۋ جۇمىستارى جۇرگىزىلۋدە. اعىمداعى جوندەۋ جۇمىستارى دا باستالدى, جەتكىلىكتى 50 ۇيگە پلاستيكالىق تەرەزەلەر ورناتىلىپ جاتىر. كۇردەلى جوندەۋدى قاجەت ەتەتىن 12 ءۇيدىڭ جۇمىسى اياقتالدى. قالپىنا كەلتىرۋ جۇمىستارىنا تاعى 365 ءۇي كەزەكتە تۇر.
انىقتاما:
تەكسەرۋمەن اينالىساتىن كومپانيالاردىڭ سانى - 4, ونىڭ ىشىندە: «بازيس ك» جشس, «Tech-Inspection» جشس, «پرومگراجدانەكسپەرت» جشس, «قۇرىلىستا ەكسپەرتيزا» جشس.
قۇرىلىستا جۇمىس ىستەيتىن كومپانيالاردىڭ سانى - 4, ونىڭ ىشىندە: «بازيس ك» جشس, «اكتوكاپيتال-77» جشس, «نۋرسترويسەرۆيس» جشس, «جيگيتا» جشس. بۇگىنگى كۇنى نىسانداردى قالپىنا كەلتىرۋگە 250 ادام, 6 بىرلىك تەحنيكا جۇمىلدىرىلدى.