بۇگىن مەن ءۇشىن اسا جاۋاپتى ءارى تولقىنىستى ءسات بولدى. ويتكەنى كاسىبي دومبىراشىلارمەن بىرگە قۇرمانعازى, دينا نۇرپەيىسوۆا, نۇرعيسا تىلەنديەۆتىڭ كۇيلەرىن ءبىر ساحنادا وتىرىپ ورىنداپ شىقتىم. ۇلتتىق مۋزىكا سالاسىندا كاسىبي ءبىلىمىم جوق. بىراق ەسەسىنە, جۇرەگىمدە جالىن اتقان نامىس بار. ال دومبىرا سول قالعىپ بارا جاتقان نامىستى جانيتىن, رۋحتى وياتاتىن الاپات كۇشكە يە. سوندىقتان دا سپورتشىلاردىڭ دومبىراعا دەگەن قۇرمەتى ايرىقشا. ارينە ءوزىمدى دومبىرانىڭ قۇلاعىندا وينايتىن داۋلەسكەر كۇيشى دەمەيمىن. الايدا «ءاۋ دەمەيتىن قازاق جوق» دەمەكشى, ەپتەپ شەرتەتىن از-كەم ونەرىمىز بار. سونى بۇگىن شامامنىڭ جەتكەنىنشە حالقىمنىڭ الدىندا كورسەتتىم. رۋحىمىز قالعىماسىن! ۇلىق مەيرام جاساي بەرسىن!
ەرماحان ىبىرايىموۆ, بوكستان سيدنەي وليمپياداسىنىڭ چەمپيونى