6-7 شىلدە كۇندەرى باتىس قازاقستان جانە قاراعاندى وبلىستارى «قازاقستان» سپورت كەشەنىنىڭ الاڭىندا قالا تۇرعىندارىنا ءوز ونىمدەرىن ۇسىندى. ال «حان شاتىر» ساۋدا ويىن-ساۋىق ورتالىعىنىڭ جانىنداعى ارنايى الاڭدا پاۆلودار مەن اقمولا وبلىستارى اۋىلشارۋاشىلىق ونىمدەرىن ءوندىرۋشىلەرىنىڭ قاتىسۋىمەن جارمەڭكە ءوتتى.
جارمەڭكەگە اعىلىپ كەلگەن حالىقتا قيساپ جوق. سەبەبى سورەگە تۇسكەن ازىق-ت ۇلىكتىڭ باعاسى نارىقتاعىمەن سالىستىرعاندا 20%-عا تومەن بولدى. ارينە بۇل ەلوردا تۇرعىندارى مەن قوناقتارىنا توڭازىتقىشتارىن تولتىرىپ الۋعا جاقسى مۇمكىندىك.
وبلىستاردان كەلگەن ازىق-ت ۇلىكتەردىڭ جالپى كولەمى 800 توننادان اساتىنىن جوعارىدا ايتتىق. ونىمدەردىڭ نەگىزىن ەت, شۇجىق, ەت كونسەرۆىلەرى, بالىق, سارى ماي, وسىمدىك مايى, ءسۇت, قىشقىل ءسۇت ونىمدەرى, كوكونىستەر مەن جەمىستەر, پەچەنە, كامپيت, كۇرىش, ماكارون, نان-توقاش ونىمدەرى جانە تاعى باسقالارى قۇرادى.اۋىل شارۋاشىلىعى ءونىمدەرىنەن باسقا, جارمەڭكە اۋماعىندا ءار وبلىس ءوز ءوڭىرىنىڭ مادەنيەتى مەن داستۇرلەرىن كورسەتەتىن كوركەمونەرپازدار ۇجىمدارىنىڭ قاتىسۋىمەن كونتسەرت قويدى.
– كەشەدەن بەرى وسى الاڭدا كونتسەرت قويىلىپ جاتىر. ءبىزدىڭ وبلىستىڭ ونەرپازدارى ونەر كورسەتىپ, باۋىرساق-شوۋ, قىمىز-شوۋ وتكىزدى. كاسىپكەرلەرىمىز ونىمدەرىنىڭ جاقسى ءوتىپ جاتقانىن ايتادى. تاۋار الۋعا كەلگەن حالىقتىڭ دا ءونىمنىڭ ساپاسىنا, باعاسىنا كوڭىلى تولعانىن بايقادىق. ءبىراز وتباسىعا ازىق-ت ۇلىك تەگىن تاراتىلدى, – دەيدى قاراعاندى وبلىسى اۋىل شارۋاشىلىعى باسقارماسى باستىعىنىڭ ورىنباسارى سىرىم بوشپانوۆ.