بۇعان دەيىن جارىلىستان زارداپ شەككەن ارىس قالاسىنداعى مەكتەپتەردە وقيتىن 150 بالا جازعى دەمالىسىنىڭ ءبىر ايىن جەتىسۋدىڭ ەڭ كورىكتى جەرلەرىندە ورنالاسقان لاگەرلەردە وتكىزەتىنىن جازعان ەدىك. ەل استانا كۇنىن مەيرامداپ جاتقان ساتتە وڭتۇستىكتەن شىققان وتاربا ارىستىق 138 بالانى الماتى وبلىسىنىڭ اۋماعىنا جەتكىزدى.
بالالاردى الماتى قالاسىنىڭ تەمىرجول ۆوكزالىنان ەڭبەكشىقازاق اۋدانىنىڭ اكىمى ءبينالى ىسقاق پەن وبلىستىق ءبىلىم باسقارماسىنىڭ وكىلدەرى كۇتىپ الدى. قازىر ولار تۇرگەن شاتقالىنداعى تابيعاتتىڭ تاماشا سىيى - «تاۋ - جاناشار» لاگەرىندە كوڭىلدى دامالىس ماۋسىمىن باستاپ كەتتى.
- ارىس بالالارى جازعى دەمالىستىڭ ءبىر ايىن جەتىسۋدىڭ ەڭ كورىكتى جەرلەرىندە ورنالاسقان جازعى دەمالىس لاگەرلەرىندە وتكىزەدى. قازىر ارىس قالاسىنان 138 بالا كەلدى. جالپى بالا سانى ءجۇز ەلۋگە جەتەدى دەپ وتىرمىز. بالالاقايلار ءۇشىن بارلىق يگىلىكتى جاسايمىز. ءبىزدىڭ اۋدانداعى «تاۋ- جاناشار» لاگەرىندە 20 كۇن بولىپ, قالعان 10 كۇنىن قاپشاعايداعى «كۇنشۋاق» لاگەرىندە وتكىزەدى, - دەيدى ەڭبەكشىقازاق اۋدانىنىڭ اكىمى ءبينالى ىسقاق.