ۇلتتىق وليمپيادالىق كوميتەتتىڭ رەسمي سايتىندا «ماۋسىم ايىنىڭ ۇزدىك سپورتشىسىنا» داۋىس بەرۋ اياقتالدى. وتاندىق جانكۇيەرلەر كاراتەشى دارحان ءاسادىلوۆتى ماۋسىم ۇزدىگى دەپ تانىدى. بۇل تۋرالى olympic.kz حابارلادى.
اسادىلوۆپەن بىرگە تاعى بەس سپورتشى ايدىڭ ۇزدىگى اتانۋعا ءۇمىتتى ەدى. ولار: ساداق اتۋدان قازاقستان ەرلەر كومانداسى, دميتري بالاندين, ميلاد كاريمي, اديليا تىلەكەنوۆا جانە رۋسلان كۋربانوۆ.
ءبىر اپتاعا سوزىلعان داۋىس بەرۋ ءراسىمى 7 شىلدە كۇنى 13:00-دە اياقتالدى. داۋىس بەرۋ قورىتىندىسى بويىنشا 40.42 پايىز جيناعان دارحان ءاسادىلوۆ جەڭىمپاز اتاندى.
ەكىنشى ورىندا 18.70 پايىز داۋىس جيناعان ساداقشىلار كومانداسى.
ۇزدىك ۇشتىكتى 15.30 پايىز داۋىسپەن دميتري بالاندين قورىتىندىلادى.
ايتا كەتەلىك, دارحان ءاسادىلوۆ وليمپيادالىق رەيتينگتە ءبىرىنشى ورىنعا كوتەرىلدى.