قاسىم-جومارت توقاەۆ بۇگىنگى تاڭدا ەۋروپالىق قايتا قۇرۋ جانە دامۋ بانكىنىڭ قازاقستان ەكونوميكاسىنا ينۆەستيتسيا سالىپ وتىرعان ءىرى قارجى ينستيتۋتتارىنىڭ ءبىرى ەكەنىن اتاپ ءوتتى. مەملەكەت باسشىسى بانكتىڭ ءبىزدىڭ ەلدەگى كوپ جىلعى جۇمىسىنا جوعارى باعا بەردى. بۇل تۋرالى اقوردانىڭ ءباسپاسوز قىزمەتى حابارلادى.
– سىزدەردىڭ قازاقستانداعى جۇمىستارىڭىزدىڭ باستالعان كەزىن جاقسى بىلەمىن جانە ءسىزدىڭ الدىڭىزداعى باسشىلارمەن دە تانىسپىن. بانك ءبىزدىڭ ەلىمىزدە تابىستى جوبالار جۇزەگە اسىردى. بۇل ماقتاۋعا تۇرارلىق جۇمىس دەپ ويلايمىن, – دەدى قازاقستان پرەزيدەنتى.
سۋما چاكرابارتي قازاقستاننىڭ ەقدب ارىپتەستەرىنىڭ ىشىندەگى ءىرى بەستىككە كىرەتىنىن ايتىپ, جەمىستى ىنتىماقتاستىقتىڭ جالعاساتىنىنا ءۇمىت ءبىلدىردى.