«قازاقستان حالقى اسسامبلەياسى ەڭسەلى ەلدىك پەن بەرەكەلى بىرلىك سىنعا تۇسكەن قيىن كەزەڭدە ارىستاعى اعايىنعا بارىنشا قولداۋ كورسەتىپ, قول ۇشىن بەردى. ەلىمىز بويىنشا كۇنى بۇگىنگە دەيىن جالپى قۇنى 54 841 227 تەڭگەنى قۇرايتىن كومەك بەرىلدى. بۇل جۇمىستارعا العاشقى كۇندەردەن قالالىق, وبلىستىق كورەي, سلاۆيان, ۇيعىر, وزبەك, تۇرىك, تاتار-باشقۇرت ەتنومادەني بىرلەستىكتەرى بەلسەنە قاتىستى», دەدى شىمكەنت قالالىق قازاقستان حالقى اسسامبلەياسى توراعاسىنىڭ ورىنباسارى, شتاب جەتەكشىسى ءمۇراتالى قالمۇراتوۆ.
«قوعامدىق كەلىسىم» مەكەمەسىنىڭ ءبولىم باسشىسى م.بەسباەۆ «ەرىكتى. ولشەۋسىز. رياسىز» اكتسياسى اياسىندا ەتنومادەني ورتالىقتارعا ارىستىقتارعا كومەك رەتىندە ەرىكتىلەردى كومەككە بارۋعا شاقىردى. باسقوسۋ سوڭىندا قايىرىمدىلىقتى, رۋحاني بىرلىكتى, دوستىق پەن ەتنوسارالىق ىنتىماقتاستىقتى نىعايتۋعا قوسقان ۇلەسى ءۇشىن بۇقارالىق اقپارات قۇرالدارى وكىلدەرىنە اسسامبلەيا اتىنان العىس حات تابىستالدى.