قىزىلوردادا كۇننىڭ ىستىعى 60 گرادۋسقا جەتكەندىكتەن ماي قۇيعان تاباعا باۋىرساق قۋىرىپ وتىرعان ۆيدەوروليك الەۋمەتتىك جەلىگە تاراعان ەدى. راسىندا, سولاي ما؟
الايدا, قىزىلوردا وبلىسى بويىنشا فيليالىنىڭ باسشىسى ايگەرىم جۇكەنوۆا بۇل اقپاراتتى جوققا شىعاردى.
- «قازگيدرومەت» رمك قىزىلوردا وبلىسى بويىنشا فيليالى 2019 جىلدىڭ 24-25 ماۋسىم كۇندەرى وبلىستىڭ باسىم بولىگىندە +43 +44 °C ىستىق اۋا رايى كۇتىلەتىندىگى تۋرالى دابىلدى ەسكەرتۋ بەردى. 25-27 ماۋسىم كۇندەرى يران ايماعىنان جىلجىعان جىلى اۋانىڭ اسەرىنەن وبلىستىڭ باسىم بولىگىندە +43+44 °C قاتتى ىستىق بايقالدى, 60 °C ىستىق تىركەلمەدى,-دەيدى ول.
بىراق, قىزىلوردا وبلىسىندا اۋا تەمپەراتۋراسى 47 گرادۋسقا دەيىن كوتەرىلگەن. ال, تاباعا باۋىرساق قۋىرعان جاعدايعا كەلسەك, ازىلكەش تابانى ۇيدەگى كوگىلدىر وتىنعا ابدەن قىزدىرىپ الىپ, دالاعا سوسىن شىعارعان سياقتى.