دوستىق ۇيىنە جەكەلەگەن ادامدار, كاسىپكەرلەر كەلىپ, كومەك قولدارىن سوزدى. ولار مارافونعا ءبىر كىسىدەي قاتىسىپ, ارىس قالاسىنداعى جارىلىستاردان زارداپ شەككەن بالالاردى ءبىرىنشى قاجەتتى زاتتارمەن قامتاماسىز ەتۋدى ۇيعارىپتى.
انالار كەڭەسىنىڭ ءتورايىمى ك ۇلىمكوز سمايىلوۆانىڭ ايتۋىنشا, قيىن جاعدايلاردا اۋىرتپاشىلىقتى بىرگە كوتەرىسۋ– قازاقستاندىقتار ءۇشىن قالىپتاسقان ءداستۇر. ماتەريالدىق جاناشىرلىقپەن قاتار مورالدىق جاعىنان دا دەمەۋدىڭ ماڭىزى زور. قايىرىمدى جانداردىڭ قولداۋى ارقاسىندا 15 شارا وتكىزىلىپ, مەكتەپ, كەڭسە تاۋارلارى, وقۋ قۇرالدارى, ويىنشىقتار, كيىم-كەشەك مولىنان جينالعان. وقۋشىلار وڭىردەگى ساۋىقتىرۋ لاگەرلەرىندە دە دەمالاتىن بولادى. سونىمەن قاتار جۇزدەن استام حات-تىلەكتەر,بەينەروليكتەر دايىندالعان.
1998 جىلدان بەرى كيىم تىگۋمەن اينالىسىپ كەلە جاتقان «Sens Fashion» كومپانياسىنىڭ ونىمدەرى ۇلكەن سۇرانىسقا يە. ءتۇرلى قايىرىمدىلىق شارالاردان دا شەت قالعان ەمەس. وسى جولى ارىستىق وقۋشىلارعا ارناپ مەكتەپ فورمالارىن ازىرلەپ اكەلىپتى.
«جۇرەكتەرى مەيىرىمگە تولى ادامداردى اكتسياعا بەلسەنە قاتىسۋعا شاقىرامىن. كىشكەنتاي بالاقايلاردىڭ تىلەۋىن تىلەپ, قۋانتۋدان اسقان باقىت جوق», دەيدى كاسىپورىننىڭ مەنەدجەرى ليۋدميلا كليموۆا.
وبلىستىق ىسكەر ايەلدەر قاۋىمداستىعىنىڭ جەتەكشىسى باقىتجان ساميەۆا ايىرتاۋ اۋدانىندا انالار كەڭەسىنىڭ كوشپەلى ءماجىلىسىن وتكىزىپ, تۇرعىندار تاراپىنان اكتسيا قولداۋ تاپقان. سول سياقتى مامليۋت اۋدانىنداعى انالار كەڭەسى دە يگى ىسكە بەلسەنە كىرىسىپ كەتتى.
سولتۇستىك قازاقستان وبلىسى