ءۇندىستاننىڭ ماحاراشترا شتاتىندا تيۆارە بوگەتى جارىلدى. سۋ اعىنى 12 ءۇيدى شايىپ كەتكەن.
DNA اقپارات اگەنتتىگىنىڭ حابارلاۋىنشا ۇندىستاندىق ماحاراشترا شتاتىندا دامبانى جارىپ جىبەرگەننەن كەيىن كەم دەگەندە ەكى ادام قازا تاۋىپ, 20-دان استام ادام ءىز-ءتۇزسىز جوعالىپ كەتتى.
وقيعا ەلدىڭ باتىسىنداعى راتناگيري وكرۋگىندە ورىن الدى. جارىلىس كۇشى جەتى اۋىلعا اسەر ەتىپ, 12 ءۇيدى سۋ شايىپ كەتكەن. وقيعا ورنىندا قۇتقارۋشىلار, پوليتسيا جانە ەرىكتىلەر جۇمىس ىستەپ جاتىر.
ماۋسىم ايىنىڭ سوڭىندا ۇندىستانعا مۋسسون ماۋسىمى باستالعان. ەلدىڭ ورتالىق بولىگىندە جاۋىن-شاشىن سالدارىنان كولىك قاتىناسى قيىنداپ, عيماراتتار قيراپ جاتىر. قازىرگى ۋاقىتتا ماحاراشترا شتاتىندا 20-دان استام ادام قازا تاپتى. سينوپتيكتەردىڭ ايتۋىنشا, نوسەر تاعى بىرنەشە كۇن بويى جالعاسادى.