مەملەكەت باسشىسى مەديا كومپانيانىڭ باسشىسىنا ءىلتيپات ءبىلدىرىپ, جاقىندا عانا Bloomberg اگەنتتىگىنىڭ جۋرناليستەرىنە سۇحبات بەرگەنىن اتاپ ءوتتى. بۇل تۋرالى اقوردانىڭ ءباسپاسوز قىزمەتى حابارلادى.
قازاقستان پرەزيدەنتى Bloomberg كومپانياسىنىڭ بۇكىل الەم بويىنشا اسكەرلىك جانە قارجىلىق اقپارات تاراتاتىنىن اتاپ ءوتىپ, قازاقستاننىڭ ينۆەستيتسيالىق مۇمكىندىكتەرىن ىلگەرىلەتۋ ءۇشىن ونىڭ ايرىقشا ءرول اتقاراتىنىن ايتتى.
كەزدەسۋ بارىسىندا «استانا» حالىقارالىق قارجى ورتالىعى الاڭىنان تىكەلەي حابار تاراتاتىن Bloomberg ستۋدياسىن اشۋ, بەدەلدى حالىقارالىق بۇقارالىق اقپارات قۇرالدارىن تارتۋ ءۇشىن مەدياحاب قۇرۋ, ءىرى ۇلتتىق كومپانيالاردىڭ اكتسيالارىنىڭ «استانا» حالىقارالىق قارجى ورتالىعى بيرجاسىنا شىعۋىن سۇيەمەلدەۋ ماسەلەلەرى تالقىلاندى. سونداي-اق, تاراپتار قازاقستاننىڭ ينۆەستيتسيالىق احۋالىن ودان ءارى جاقسارتۋ پەرسپەكتيۆالارى جونىندە پىكىر الماستى.