توتەنشە جاعداي سالدارىنان ۇيلەرى زاقىمدانعان ارىس تۇرعىندارى مەكتەپتە جاساقتالعان ۋاقىتشا لاگەردە تۇرا الادى. بۇل تۋرالى تۇركىستان وبلىسى اكىمىنىڭ كەڭەسشىسى ساكەن قالقامانوۆ فەيسبۋكتەگى پاراقشاسىندا جازدى.
«رەسمي تۇردە مالىمدەيمىن! ەشكىم دالادا تۇنەمەيدى. ارىس قالاسىنىڭ باستاۋىش مەكتەبىندە ۇيلەرى تولىعىمەن قيراعان نەمەسە جانىپ كەتكەن تۇرعىندار ءۇشىن ۋاقىتشا لاگەر ۇيىمداستىرىلدى. كۇنىنە ءۇش رەت تاماقتاندىراتىن اسحانا, 800 ادامعا ارنالعان جاتىن ورىن, بالالار ءۇشىن ويىن الاڭدارى بار», دەپ جازدى س.قالقامانوۆ فەيسبۋكتەگى پاراقشاسىندا.