باۋىرجان بايبەك الماتى قالاسىنىڭ اكىمى قىزمەتىنەن بوساتىلدى

باۋىرجان قىدىرعالي ۇلى بايبەك 1974 جىلى 19 ناۋرىزدا دۇنيەگە كەلدى. الماتى قالاسىندا تۋعان. ۇلتى - قازاق. «بولاشاق» باعدارلاماسى بويىنشا گەتە ينستيتۋتىن (برەمەن قالاسى, 1995) - «نەمىس ءتىلى»; «بولاشاق» باعدارلاماسى بويىنشا ليۋبەك قالاسىنداعى جوعارى مەكتەپتى (گفر, 1998) - «پەداگوگ»; ورتالىق ازيا ۋنيۆەرسيتەتىن (2002) «حالىقارالىق ەكونوميست» ماماندىقتارى بويىنشا بىتىرگەن. اعىلشىن جانە نەمىس تىلدەرىن ەركىن مەڭگەرگەن. 1999 جىلدان - ماينداعى فرانكفۋرت قالاسى قر باس كونسۋلدىعىنىڭ رەفەرەنتى, اتتاشەسى - گفر-داعى قر ەلشىلىگى ەكونوميكالىق ءبولىمىنىڭ ءۇشىنشى حاتشىسى (بەرلين قالاسى).   2002 جىلدان - قر پرەزيدەنتى اكىمشىلىگى جۇيەلى زەرتتەۋلەر ورتالىعىنىڭ ساراپشىسى. 2003 جىلدان - قر پرەزيدەنتى حاتتاماسىنىڭ اقپارات جانە تالداۋ سەكتورىنىڭ مەڭگەرۋشىسى, 2004 جىلدان - باس ينسپەكتورى, 2006 جىلدان - حاتتاما جەتەكشىسى. 2009 جىلدىڭ تامىز ايىنان بەرى - قر پرەزيدەنتى اكىمشىلىگى جەتەكشىسىنىڭ ورىنباسارى. 2013 جىلدىڭ قاڭتارىنان باستاپ «Nur Otan» پارتياسى توراعاسىنىڭ ءبىرىنشى ورىنباسارى. 2015 جىلدىڭ تامىزىنان وسى ۋاقىتقا دەيىن الماتى قالاسىنىڭ اكىمى بولدى. قر پرەزيدەنتىنىڭ حالىقارالىق «بولاشاق» ستيپەندياسى ستيپەندياتتارى قاۋىمداستىعى كەڭەسىنىڭ (2008 جىلدان); قازاق گۋمانيتارلىق زاڭ ۋنيۆەرسيتەتى قامقورشىلىق كەڭەسىنىڭ (2010 جىلدان) توراعاسى. س.د. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى قامقورشىلىق كەڭەسىنىڭ (2010 جىلدان) مۇشەسى.  «حاتتامالىق ءىس-شارالاردى قامتاماسىز ەتۋ بويىنشا تاجىريبەلىك نۇسقاۋلىق» (2007, ەكى تىلدە), «قازاقستان رەسپۋبليكاسىنىڭ مەملەكەتتىك حاتتاماسى» (2010) كىتاپتارىنىڭ اۆتورى; «قازاقستان رەسپۋبليكاسىنىڭ مەملەكەتتىك حاتتاماسى» (2004) كىتابىنىڭ بىرلەسكەن اۆتورى; «پرەزيدەنتتىڭ ءبىر جىلى» (2006, 2007) كىتابىنىڭ قۇراستىرۋشىسى; 6 ماقالانىڭ, سونىڭ ىشىندە «مەملەكەتتىڭ سىرتقى ساياسي قىزمەتىندەگى حاتتاما» (2010), «شەتەلدىك مەملەكەتتەردىڭ حاتتامالىق قىزمەتىن ينستيتۋتتاندىرۋدىڭ كەيبىر اسپەكتىلەرى تۋرالى» (2010) جانە ت.ب. جاريالانىمداردىڭ اۆتورى. «Nur Otan» پارتياسىنىڭ مۇشەسى (2002 جىلدان).  «قۇرمەت» (2008) وردەنىمەن; «قازاقستان رەسپۋبليكاسىنىڭ تاۋەلسىزدىگىنە 10 جىل» (2001), «استانانىڭ 10 جىلدىعى» (2008) مەدالدارىمەن; قر پرەزيدەنتىنىڭ العىس گراموتالارىمەن (2001, 2010) ماراپاتتالعان.