قازاقستان پرەزيدەنتىنە ادام قۇقىقتارى جونىندەگى ۋاكىلدىڭ قازىرگى جۇمىستارى, سونداي-اق, تاشكەنتتە وتكەن ورتالىق ازيا ەلدەرى ومبۋدسمەندەرى كەزدەسۋىنىڭ قورىتىندىلارى تۋرالى مالىمەت بەرىلدى. اسقار شاكىروۆتىڭ ايتۋىنشا, اتالعان ءىس-شاراعا قاتىسۋشىلار ءوڭىر ومبۋدسمەندەرى ىنتىماقتاستىعىنىڭ جول كارتاسىن بەكىتىپ, كوشى-قون ۇدەرىسى مەن شەكارا ايماعىنداعى ءوزارا قارىم-قاتىناستارعا قاتىستى قۇقىق قورعاۋ ماسەلەلەرىن قاراستىردى.
قاسىم-جومارت توقاەۆ حالىقتىڭ تۇرمىسى تومەن توپتارىنىڭ قۇقىقتارى مەن مۇددەلەرىن قامتاماسىز ەتۋ جونىندە مەملەكەتتىك ورگاندارمەن جانە ۇكىمەتتىك ەمەس ۇيىمدارمەن بەلسەندى جۇمىس جۇرگىزۋ قاجەتتىگىن ايتتى. قازاقستان پرەزيدەنتى ولاردىڭ قۇقىقتارىنىڭ قورعالۋ مونيتورينگىن كۇشەيتۋدى, سونداي-اق, اتاۋلى الەۋمەتتىك كومەك الۋ ماسەلەلەرى بويىنشا جاردەم بەرۋدى تاپسىردى.