داۋىس بەرۋگە بارلىعى 109 دەپۋتات قاتىسقان. ونىڭ 103-ءى شەشىمدى قولداپ داۋىس بەرسە, التاۋى قارسى بولدى. اتالعان شەشىم باس پروكۋراتۋراعا جولداندى.
كوميسسيا جۇمىسىنىڭ قورىتىندىسى بويىنشا, قىرعىزستاننىڭ بۇرىنعى پرەزيدەنتىنە 6 ەپيزود بويىنشا ايىپ تاعۋ تۋرالى شەشىم شىعاردى. الايدا, جوگوركۋ كەنەشتىڭ قىلمىس پەن سىبايلاس جەمقورلىققا قارسى كۇرەس كوميتەتى باس پروكۋراتۋرانىڭ المازبەك اتامباەۆقا تاعىپ وتىرعان 6 ايىپتىڭ 5-ۋىنە قاتىسى بار دەگەن شەشىمىن قولدادى.
قىرعىزستانىڭ بۇرىنعى پرەزيدەنتى المازبەك اتامباەۆقا قازىرگى تاڭدا قوي-تاش اۋىلىندا جەر تەلىمىن زاڭسىز الدى, قىلمىستىق الەمنىڭ سەركەسى ا.باتۋكاەۆتى زاڭسىز بوساتتى, سۋبيحي ءپارحاتيدىڭ «فورۋم» عيماراتىن الاياقتىق جولمەن ساتتى, بىشكەك قالاسىنداعى جەس-سىن رەكونسترۋكتسيالاۋ جۇمىستارى مەن وعان كومىر ساتىپ الۋ جۇمىستارى بويىنشا سىبايلاستىق ارەكەتتەرگە جول بەردى دەگەن ايىپتار تاعىلىپ وتىر.
ەسكە سالساق, بۇعان دەيىن قىرعىزستاننىڭ جوگورگۋ كەنەشتىڭ دەپۋتاتتارى ەلدىڭ بۇرىنعى پرەزيدەنتى المازبەك اتامباەۆتى ەشكىمنىڭ تيىسپەۋى جونىندەگى قۇقىعىنان ايىرۋدى ۇسىنعان بولاتىن. سونداي-اق, اتامباەۆقا تاعىلعان ايىپتاردى قاراۋ بويىنشا ارنايى دەپۋتاتتىق كوميسسيا قۇرىلدى.