سلەتتىڭ ماقساتى سپورتتىق ءتۋريزمدى دامىتۋعا جانە ونىڭ بۇقارالىق سيپاتىن جانە تۋريستىك كوپسايىستى ناسيحاتتاۋعا, جاڭا باستاعان تۋريستىك توپتارعا قولداۋ كورسەتۋگە, سپورتتىق ءتۋريزمنىڭ نەگىزدەرىن وقىتۋعا, ەڭ باستىسى الەۋمەتتىك ءالجۋاز وتباسىلارىنىڭ جانە تاۋەكەلى مول توپتارداعى بالالاردى سپورت تۋريزمىنە تارتۋعا ارنالدى. سلەتكە رۋدنىي قالاسى مەن قاراسۋ, سارىكول, امانگەلدى اۋداندارىنىڭ مەكتەپتەرىندەگى 5-9 سىنىپتار وقۋشىلارىنان قۇرالعان تۋريستىك كوماندالار قاتىستى.
سلەت شوقاننىڭ تۋعان جەرى قۇسمۇرىن وڭىرىندەگى نوۆوپاۆلوۆ سەلوسىنداعى قايىڭدى توعايلار وسكەن تابيعاتى سۇلۋ الاڭدا ءوتتى. تۋريستەر جولى 800 مەتردەن 2000 مەتر اراسىن قامتىدى. وندا جاس تۋريستەر شاتىر تىگۋ, باتپاقتان ءوتۋ, كەدەرگىدەن كەرىلگەن ارقانمەن ءوتۋ, بورەنە ارقىلى ءوتۋ, ماياتنيكپەن ءوتۋ, تاپسىرمالار الاڭى, العاشقى مەديتسينالىق كومەك, شاتىرلاردى جيناۋ سياقتى تاپسىرمالاردى ورىندادى. جارىستا بارلىق حالىقارالىق ەرەجەلەر جانە بەكىتىلگەن رەگلامەنت ساقتالدى. العاشقى ەكى كۇندە بالالار ءتۋريزمنىڭ نەگىزدەرىن وقىپ ۇيرەندى, ودان كەيىن جورىققا ۇيرەنۋ, مەديتسينالىق العاشقى كومەك پەن ساقتانۋ شارالارىن جاساپ كوردى. سونان سوڭ جارىسقا كىرىستى.
جارىس قورىتىندىسىندا ەرەسەك تۋريستەر اراسىندا 1 ورىندى رۋدنىي قالاسىنان كەلگەن «ەكستريم» كومانداسى, پ ورىندى قاراسۋ اۋدانىنىڭ «حاسكي» كومانداسى, ش ورىندى امانگەلدى اۋدانىنىڭ «باتىر» كومانداسى جەڭىپ الدى. ال تومەنگى كوماندالار اراسىندا الاڭ يەلەرى, ياعني كليۋچەۆوي ورتا مەكتەبىنىڭ «قار بارىسى -1», «قار بارىسى-2» كوماندالارى مەن امانگەلدى اۋدانىنان كەلگەن توپ يەلەندى. سلەت بالالارعا وتە ۇناپ, قيماي قوشتاستى.