شىمكەنتتىك كاسىپكەر قايرات مولداسەيىتوۆ ارىستاعى جارىلىستان زارداپ شەككەندەرگە 10 ملن تەڭگە اۋداردى. كاسىپكەر قالالىق كاسىپكەرلەر پالاتاسى قاراماعىنداعى بيزنەس وكىلدەرىن قايىرىمدىلىققا شاقىرىپ, قارجىلاي كومەك كورسەتۋ قورىن اشتى. بۇل تۋرالى قازاقپارات حابارلادى.
شىمكەنت قالالىق كاسىپكەرلەر پالاتاسى وڭىرلىك كەڭەسىنىڭ توراعاسى, قايرات مولداسەيىتوۆ سونداي-اق, وزگە دە ارىپتەستەرىن كومەك قولىن سوزۋعا شاقىردى.
«قۇرمەتتى كاسىپكەرلەر! سىزدەردى وڭىرىمىزدە بولعان وسىنداي قايعىلى وقيعادان زارداپ شەككەن وتانداستارىمىزعا كومەك كورسەتۋگە شاقىرامىن! شەت قالماي, بارلىقتارىڭىز اتسالىسىپ كومەكتەسۋگە كەلىڭىزدەر! ارىس قالاسىنداعى توتەنشە جاعدايعا جانە زارداپ شەككەندەر مەن كوشىرىلگەن قالا تۇرعىندارىنا كومەك كورسەتۋ قاجەتتىلىگىنە بايلانىستى مەن ءوز اتىمنان 10 000 000 تەڭگە ءبولۋ تۋرالى شەشىم قابىلدادىم»,- دەدى ول ءوز حابارلاماسىندا.