استانادا «ەگەمەن قازاقستان» گازەتىنىڭ 100 جىلدىعىنا وراي پۋبليتسيست-عالىم اقسەلەۋ سەيدىمبەك اتىنداعى بيلياردتان جازۋشى-جۋرناليستەر اراسىنداعى ءداستۇرلى توعىزىنشى تۋرنير باستالدى.
كوزمەرگەندەر جارىسىنا سوزمەرگەندەردەن فيلولوگيا عىلىمدارىنىڭ دوكتورى نامازالى وماش, جازۋشى تولەن ابدىك, «ەگەمەن قازاقستان» گازەتىنىڭ باسقارما توراعاسى دارحان قىدىرالى, پارلامەنت دەپۋتاتى ساۋىتبەك ابدراحمانوۆ, قازاقستان رەسپۋبليكاسىنىڭ ەڭبەك سىڭىرگەن قايراتكەرى قويشىعارا سالعارا ۇلى, اقىن ءجۇرسىن ەرمان جانە تاعى باسقا بىرقاتار جازۋشى-جۋرناليست قاتىسىپ جاتىر.
جارىسقا قاتىسۋشىلار اعا بۋىن جانە جاس بۋىن بولىپ ەكى توپقا ءبولىنىپ ويناپ جاتىر. تۋرنير قورىتىندىسى بويىنشا ەكى توپتان ۇزدىك شىققان التى ويىنشىعا جۇلدە تاعايىندالعان. سونداي-اق تاعى بەس ويىنشى ءتۇرلى نوميناتسيا بويىنشا ارنايى ديپلومدارمەن ماراپاتتالادى.