2018-2019 جج. ءبىرىنشى جارتىجىلدىق قورىتىندىسى بويىنشا «Kazakh Invest» ۇلتتىق كومپانياسى» اق-نىڭ قولداۋىمەن شەتەلدىك كاپيتالىنىڭ قاتىسۋىمەن 29 جوبا ىسكە اسىرىلدى. وسى جىلدىڭ اياعىنا دەيىن قوسىمشا 28 جوبا ىسكە قوسىلىپ, جالپى «زاكىر ينۆەستورلارمەن» جانە تۇك-پەن بىرلەسىپ قۇنى 5,1 ملرد اقش دوللارىن قۇرايتىن 57 جوبا پايدالانۋعا بەرىلەدى. ناتيجەسىندە 10 مىڭنان استام تۇراقتى جۇمىس ورىن قۇرۋعا مۇمكىندىك بەرىلەدى.
2018 جىلى Kazakh Invest-ءتىڭ قولادۋىمەن جالپى قۇنى 3,1 ملرد اقش دولل. بولاتىن 27 جوبا ىسكە اسىرىلدى. ونىڭ ىشىندە جامبىل وبلىسىندا قۋاتتىلىعى 50 مۆت قۇرايتىن كۇن ەلەكتر ستانتسياسى, قىزىلوردا وبلىسىندا تسەمەنت زاۋىتى (جىلىنا 1 ملن توننا تسەمەنت), تۇركىستان وبلىسىندا ەلىمىزدە جالعىز تۇيە ءسۇتىن وندىرەتىڭ زاۋىت (تاۋلىگىنە 100 توننا ءسۇت وندەۋ) ءوز جۇمىسىن باستادى. سونداي-اق 2018 جىلى پاۆلودار وبلىسىندا تەمىر جولعا ارنالعان دوڭگەلەكتەردىڭ ءوندىرىسى (جىلىنا 200 مىڭ دانا دوڭگەلەك) اشىلىپ, نۇر-سۇلتان قالاسىندا ترانسفورماتورلاردى شىعارۋ ءوندىرىسى (جىلىنا 100 ترانسفورماتور) ىسكە قوسىلىپ, قاراعاندى وبلىسىندا ماشينا جاساۋ زاۋىتىنىڭ (جىلىنا 8,5 مىڭ توننا ءونىم) ترانسفورماتسياسى اياقتالدى. جوبالاردىڭ ىسكە اسىرىلۋى 6 مىڭ جۇمىس ورنىن اشۋعا مۇمكىندىك بەردى.
2018 ج. قورىتىندىسى بويىنشا Kazakh Invest-ءتىڭ قولادۋىمەن ينۆەستورلار الماتى قالاسىندا 5 جوبانى ىسكە اسىردى, پاۆلودار وبلىسىندا - 4 جوبا, ال الماتى, قاراعاندى جانە تۇركىستان وبلىستارىندا 3 جوبادان ىسكە قوستى.
Kazakh Invest 2019 جىلى شەتەلدىك قاتىسۋىمەن قۇنى 2 ملرد اقش دوللارىن قۇرايتىن 30 جوبانى ىسكە اسىرۋدى قامتاماسىز ەتۋدى جوسپارلاپ وتىر. ىسكە اسىرىلىپ جاتقان جوبالاردىڭ 40% جاڭعىرتىلاتىن ەنەرگيا كوزدەرى جانە اقپاراتتىق-كوممۋنيكاتسيالىق تەحنولوگيالارى سالالارىندا. بيىل جالپى قۋاتتىلىعى 400 مۆت بولاتىن كۇن ەلەكتر ستانتسيالارى, 90 مۆت بولاتىن جەل جانە 25 مۆت-قا سۋ ەلەكتر ستانتسيالارى ءوز جۇمىسىن باستاماق. جوبالاردىڭ جالپى قۇنى 680 ملن. اقش دوللارىن قۇرايدى.
بۇدان بولەك, 2018-2019 جىلىنا ارنالعان ۇلتتىق ينۆەستيتسيالىق ستراتەگياسىنا سايكەس Kazakh Invest ءوز الدىڭدا جىلىنا 8 تۇك جانە زاكىر ينۆەستورلارىمەن 2 بىرلەسكەن كاسىپورىن اشۋ بويىنشا ماقساتىن قويىپ وتىر. 2018 جىلدىڭ قورىتىندىسى بويىنشا 8 تۇك جالپى 930 ملن اقش دولل. ينۆەستيتسيا قۇيدى, سونداي-اق زاكىر ينۆۆەستورلارىمەن جالپى قۇنى 335 ملن. بولاتىن 2 بىرلەسكەن كاسىپورىن اشىلدى. ولاردىڭ ىشىندە Linde Gr. (گەرمانيا), Farm Frites (نيدەرلاندى), Carmeuse Group (بەلگيا), China Triumph International Engineering (قحر), Phoenix Global ء(باا), Yildirim Holding (تۇركيا), United Green ( ۇلىبريتانيا), CG Corp. (سينگاپۋر). وسى جىلى Kazakh Invest رەسەيلىك «ەكو-كۋلتۋرا», امەريكاندىق Tyson Foods, Valmont, AGCO, فرانتسۋز Servier جانە نەمىس Tonnies سەكىلدى كومپانيالاردى تارگەتتەيدى.
جالپى العاندا, سوڭعى ەكى جىلدىڭ ىشىندە كومپانيا تاراپىنان ينۆەستورلار ءۇشىن «جۇمساق ينفراقۇرىلىم» قۇرىلدى: قازاقستان زاڭناماسىن مەن راسىمدەرىن ءتۇسىندىرۋ بويىنشا جۇمىسى رەتتەلدى, شەشىم قابىلداۋدىڭ اشىقتىعى قامتاماسىز ەتىلدى, اكىمشىلىك جۇكتەمەلەرى ازايدى. مىسالى, Kazakh Invest تاراپىنان قازاق, اعىلشىن جانە ورىس تىلىندە invest.gov.kzبىرىڭعاي ۇلتتىق ينتەراكتيۆتىك ينتەرنەت-رەسۋرس اشىلدى. سايتتا ينۆەستيتسيالاۋدى قاجەت ەتەتىن جوبالار تۋرالى مالىمەتتەن بولەك ءار-ءتۇرلى ماسەلەلەر بويىنشا سۇراتۋلاردى قابىلدايتىن قىزمەت ىسكە قوسىلدى. تاۋلىك بويى +7 717 2 620 620 ءنومىرى بويىنشا ينۆەستورلار ءۇشىن Call-center جۇمىس ىستەۋدە.
2018-2019 جج. قورىتىندىسى بويىنشا ينۆەستورلار ءۇشىن Kazakh Invest تاراپىنان 1100-دەن استام كونسۋلتاتسيالىق قىمەتتەر كورسەتىلدى. ينۆەستيتسيالىق ومبۋدسمەن قىزمەتى اياسىندا ينۆەستورلار تاراپىنان 91 ءوتىنىش ءتۇسىپ, ونىڭ 48-ءسى تولىق شەشىلىپ, 13 سۇراق بويىنشا زاڭناماعا سايكەس ءتۇسىندىرۋ جۇمىستارى اتقارىلدى, 30-ى بويىنشا جۇمىس اتقارىلىپ جاتىر.