قازاقستان رەسپۋبليكاسىنىڭ پرەمەر-ءمينيسترىنىڭ ءبىرىنشى ورىنباسارى – قارجى ءمينيسترى ءاليxان سمايىلوۆ مينسك قالاسىندا (بەلارۋس رەسپۋبليكاسى) وتكەن ەۋرازيالىق ەكونوميكالىق كوميسسيا كەڭەسىنىڭ كەزەكتى وتىرىسىنا قاتىستى.
وتىرىس بارىسىندا ەۋرازيالىق ەكونوميكالىق وداقتى ودان ءارى دامىتۋعا قاتىستى بىرقاتار ماڭىزدى ماسەلەلەر قارالدى. ەەك كەڭەسىنىڭ مۇشەلەرى ەاەو كەدەندىك زاڭناماسىن جەتىلدىرۋ, كەدەندىك-تاريفتىك رەتتەۋ, تاۋارلاردى تاڭبالاۋ, ەاەو ءۇشىنشى ەلدەرمەن xالىقارالىق سەرىكتەستىگى سەكىلدى بىرقاتار ساۋالداردى ءجىتى تالقىلادى.
تاراپتار ۆاليۋتالىق قۇقىقتىق قاتىناستاردى رەتتەۋگە جانە ليبەراليزاتسيالاۋ شارالارىن قابىلداۋعا قاتىستى كەلىسىلگەن تاسىلدەر تۋرالى كەلىسىم جوباسىن تالقىلادى. وسى كەلىسىمدى قابىلداۋ ۆاليۋتا-قارجى سالاسىنداعى ىنتىماقتاستىقتى ودان ءارى دامىتۋ, سىرتقى ساۋدا جانە ينۆەستيتسيالىق وپەراتسيالارعا قاتىسۋشى مەملەكەتتەردىڭ ۇلتتىق ۆاليۋتالارىنىڭ ءرولىن ارتتىرۋ جونىندەگى جۇمىستى جالعاستىرۋعا مۇمكىندىك بەرەدى.
سونداي-اق, تمد-نىڭ ەكونوميكالىق كەڭەسىنىڭ كەزەكتى وتىرىسى شاعىن قۇرامدا ءوتتى, وندا قاتىسۋشىلار قىزمەتتەردى ەركىن ساۋدالاۋ جونىڭدەگى كەلىسىمنىڭ جوباسىن دايىنداۋ ماسەلەسىن ءسوز ەتتى, مۇنىمەن قوسا تاۋەلسىز مەملەكەتتەر دوستاستىعىندا ەكونوميكالىق ىنتىماقتاستىقتىڭ وزەكتى ماسەلەلەرى بويىنشا پىكىر الماستى.