ۇلىبريتانيا پرەمەر-ءمينيسترى تەرەزا مەي توقاەۆتى پرەزيدەنت رەتىندە سايلانۋىمەن قۇتتىقتاپ, ەكى ەل اراسىنداعى ىنتىماقتاستىقتى دامىتۋعا نازار اۋداردى.
ۇلىبريتانيانىڭ پرەمەر-ءمينيسترى تەرەزا مەيدىڭ قاسىم-جومارت توقاەۆتى قازاقستان پرەزيدەنتى لاۋازىمىنا سايلانۋىمەن قۇتتىقتاعان جەدەلحاتى كەلىپ ءتۇستى.
«27 ناۋرىزداعى قۇتتىقتاۋ حاتىمدا بريتان-قازاقستان قاتىناستارىنىڭ نىعايىپ كەلە جاتقانىن اتاپ ءوتتىم. سول ساتتەن باستاپ ەلدەرىمىز اراسىنداعى بايلانىستاردىڭ ارتا تۇسكەنىنە قۋانىشتىمىن», – دەپ جازعان تەرەزا مەي.
بىرىككەن كورولدىكتىڭ مينيسترلەر كابينەتىنىڭ باسشىسى ەكىجاقتى ءىس-قيمىلداردى ودان ءارى دامىتۋدىڭ ماڭىزدىلىعىن اتاپ ءوتتى.
ء«سىزدىڭ پرەزيدەنتتىك قىزمەتىڭىزدىڭ بارىسىندا ۇلىبريتانيا مەن قازاقستان اراسىنداعى ساياسي, ەكونوميكالىق جانە مادەني سالالارداعى ىنتىماقتاستىقتىڭ جالعاسا بەرەتىنىنە, سونداي-اق, ەلدەرىمىز اراسىنداعى ءوزارا قارىم-قاتىناستاردىڭ ودان ءارى نىعايا تۇسەتىنىنە سەنىمدىمىن», – دەلىنگەن جەدەلحاتتا.