ەلباسى كونفەرەنتسيادا سويلەگەن سوزىندە ەلىمىزدىڭ ءبىرىنشى باسشىسى لاۋازىمىنداعى بۇكىل قىزمەتى قازاقستاندى دامىتۋعا ارنالعانىن اتاپ ءوتتى.
نۇرسۇلتان نازارباەۆ مەملەكەتتى قۇرۋ جولىنداعى جانە ەگەمەندى ەلدى قالىپتاستىرۋداعى قيىندىقتار تۋرالى ايتتى. سونىڭ ىشىندە, قازاقستاننىڭ تۇڭعىش پرەزيدەنتى توقسانىنشى جىلداردىڭ باسىندا ەلىمىزدەگى ۇلتتىق ەكونوميكانىڭ قيراۋىنا, ەتنوسارالىق قاقتىعىستاردىڭ پايدا بولۋ قاۋپىنە بايلانىستى جاعداي جونىندە ايتتى.
– قازاقستان دەموگرافيالىق قۇلدىراۋ شەگىندە تۇردى. 1989 جىلعى حالىق ساناعىنا سايكەس, بايىرعى حالىق – قازاقتار 39 پايىز نەمەسە 6,5 ميلليوننان ءسال عانا استام ادام بولدى. سول كەزەڭدەگى اۋىر ەكونوميكالىق احۋال حالىقتىڭ قازاقستاننان كوپتەپ كوشىپ كەتۋىنە الىپ كەلدى. ول جىلدارى ورتاشا ءومىر ءسۇرۋ جاسى 5 جىلعا قىسقاردى, تۋ كورسەتكىشى بىردەن تومەندەدى, – دەدى نۇرسۇلتان نازارباەۆ.
ەلباسى تاۋەلسىزدىكتىڭ العاشقى جىلدارى قازاقستان كولىك قاتىناستارىنىڭ تەڭگەرىمسىزدىگى مەن ەكولوگيا ماسەلەسى كۇردەلى تەحنولوگيالىق تۇرعىدان ەڭ ارتتا قالعان رەسپۋبليكالاردىڭ قاتارىندا بولدى.
قازاقستاننىڭ تۇڭعىش پرەزيدەنتى ەلىمىزدە قابىلدانعان باعدارلامالاردىڭ جانە وتكىر الەۋمەتتىك-ەكونوميكالىق ماسەلەلەردى شەشۋگە باعىتتالعان دامۋ ستراتەگياسىنىڭ جۇزەگە اسىرىلۋ ناتيجەلەرىنە توقتالدى.
سونىمەن قاتار, نۇرسۇلتان نازارباەۆ الەمدىك دامۋ ۇدەرىسىنە اسەر ەتەتىن ستراتەگيالىق سىن-قاتەرلەردىڭ بىرنەشە توبىن اتاپ كورسەتتى. اتاپ ايتقاندا, قارقىندى ءارى ۇزدىكسىز تەحنولوگيالىق تولقىن, كەزەكتى يندۋستريالىق رەۆوليۋتسياعا بايلانىستى ەكونوميكالىق پاراديگمانىڭ اۋىسۋى, الەمدەگى گەوساياسي جاعدايدىڭ وزگەرۋى, ءتۇرلى سيپاتتاعى جاھاندىق دەڭگەيدەگى قاقتىعىس.
– حالىق پەن پرەزيدەنت ارقاشان بىرگە بولۋعا ءتيىس. سوندا عانا جەتىستىككە جەتەمىز. مەنىڭ اعا بۋىن وكىلدەرىنە ايتارىم, سىزدەردىڭ دانالىقتارىڭىز جاستاردىڭ دۇرىس جولمەن جۇرۋىنە, وتاندى سۇيۋىنە, مەملەكەتتى نىعايتۋىنا, تاۋەلسىزدىكتى قورعاۋىنا جانە جارقىن بولاشاق ءۇشىن ەڭبەك ەتۋىنە جاردەمىن تيگىزۋى ءتيىس. ورتا بۋىن وكىلدەرىنە ايتارىم, سىزدەردىڭ جيناعان تاجىريبەلەرىڭىز – قيىندىقتاردى ەڭسەرۋ جولىندا بارىمىزگە كومەگى تيەتىن باعا جەتپەس كاپيتال. ال, جاستارىمىزعا ايتارىم, جاقسى ءومىر ءسۇرۋدىڭ ءبىر عانا جولى بار – ول ەڭبەك ەتۋ. ەلىمىزدىڭ كەلەشەك جولىن سىزدەر انىقتايسىزدار, – دەدى ەلباسى.