قازاقستان پرەزيدەنتى قاسىم-جومارت توقاەۆ «ۇلتتىق عىلىمي مەديتسينا ورتالىعى» اق باسقارما توراعاسى اباي بايگەنجيندى قابىلدادى, دەپ حابارلايدى اقوردانىڭ ءباسپاسوز قىزمەتى.
مەملەكەت باسشىسىنا عىلىمي ورتالىقتىڭ قازىرگى جۇمىسى مەن الداعى دامۋ جوسپارلارى, مەملەكەتتىك-جەكەمەنشىك ارىپتەستىگى اياسىنداعى مەديتسينالىق جوبالاردىڭ جۇزەگە اسىرىلۋى جايلى باياندالدى. ا. بايگەنجين پرەزيدەنتكە توموتەراپيا جانە يادرولىق مەديتسينا ورتالىعىنىڭ قاتەرلى ىسىكتى ەمدەۋدەگى جاڭا ادىستەرى تۋرالى ايتتى.
كەزدەسۋدە دەنساۋلىق ساقتاۋ سالاسىنىڭ باسقا دا وزەكتى ماسەلەلەرى تالقىلاندى.
سوڭىندا قاسىم-جومارت توقاەۆ ناقتى تاپسىرمالار بەرىپ, ورتالىق ۇجىمىنا تابىس تىلەدى.