ورتالىق پارتيا اپپاراتىنىڭ پارتيالىق باقىلاۋ قىزمەتىنىڭ وكىلدەرى داۋرەن بيجۋمانوۆ جانە نۇرلان بايمۇرزاەۆ قۇرىلىس بارىسىمەن تانىسىپ, بولىنگەن قاراجاتتىڭ ناقتى جۇمسالۋىن تەكسەردى. 2020 جىلى اياقتالىپ, قاتەرلى دەرتتى جەڭۋگە كومەكتەسەدى دەگەن عيماراتتىڭ قۇرىلىسى بۇگىندە قارقىندى ءجۇرىپ جاتىر, 4 قاباتتى عيماراتتىڭ ىشكى ارلەۋ جۇمىستارى باستالىپ كەتكەن ەكەن.
جوعارىدا كورسەتىلگەندەي اقمولا وبلىسىندا ونكواۋرۋلار كورسەتكىشى جىل سايىن ارتا تۇسۋدە. ماسەلەن 2014 جىلى ونكولوگيالىق اۋرۋلاردىڭ ەلەكتروندى رەگيسترىندە 8036 ادام تىركەلسە, بيىلعى جىلدىڭ باسىندا ول 8888 ادامعا جەتىپ وتىر. ونكوديسپانسەردە قابىلداۋدى 5 مامان جۇرگىزەتىنىنە قاراماستان دارىگەردىڭ قابىلداۋىنا كىرۋ ءۇشىن پاتسيەنتتەرگە ساعاتتاپ كەزەك كۇتۋگە تۋرا كەلەدى. بۇل ەمدەلۋشىلەرگە دە, مەديتسينا قىزمەتكەرلەرىنە دە ۇلكەن ىڭعايسىزدىق تۋعىزىپ وتىر. «سوندىقتان, قاتەرلى ىسىك اۋرۋىن انىقتايتىن سكرينينگتىك تەكسەرۋلەر جۇرگىزۋ ءۇشىن قوسىمشا ەمحانا قاجەت ءارى وبلىستىڭ تۇكپىر-تۇكپىرىنەن كەلگەن ناۋقاستار ديسپانسەردىڭ تار كابينەتتەرىندە ساعاتتاپ كەزەك كۇتىگە ءماجبۇر», دەيدى كوكشەتاۋلىق ماماندار.
ونكولوگيالىق ناۋقاستارعا كومەك بەرۋ ماقساتىندا 2018 جىلى رەسپۋبليكالىق بيۋدجەتتەن 2 ملرد.تەڭگە قارجى ءبولىنىپ, تاۋلىگىنە 150 ادامدى ءبىر مەزەتتە قابىلداۋعا مۇمكىندىك بەرەتىن ەمحانانىڭ قۇرىلىسى باستالىپ قانا قويماي, ونىڭ قارقىندى سالىنۋى كوڭىلدەرىنە ءۇمىت ۇيالاتقان اقمولا وبلىستىق دەنساۋلىق باسقارماسىنىڭ ماماندارى 4 قاباتتان تۇراتىن ديسپانسەر جاڭا مەديتسينالىق قۇرال-جابدىقپەن قامتاماسىز ەتىلەدى دەپ ەسەپ بەردى.
پارتيانىڭ ورتالىق اپپاراتى پارتيالىق باقىلاۋ قىزمەتى قۇرىلىس نىسانىنا وڭ باعاسىن بەرىپ, بۇل ءوز كەزەگىندە سكرينينگتىك تەكسەرۋ ارقىلى قاتەرلى ىسىكتىڭ الدىن الۋعا مۇمكىندىك بەرەتىندىگىن جەتكىزدى. سونىمەن قاتار مەديتسينا قۇرىلعىلارى مەن كادرلارمەن قامتاماسىز ەتۋ ماسەلەسى ءسوز بولدى.