ءۇندىستان 2027 جىلى قىتايدى باسىپ وزىپ, تۇرعىنداردىڭ سانى بويىنشا الەمدىك كوشباسشى بولادى. عالىمداردىڭ بولجاۋىنشا, الداعى 30 جىلدا حالىقتىڭ 50%-عا ءوسۋى ءۇندىستان, نيگەريا, پاكىستان, كونگو, ەفيوپيا, تانزانيا, يندونەزيا, ەگيپەت جانە اقش سياقتى ەلدەردىڭ ەسەبىنەن بولماق. 2050 جىلعا قاراي تروپيكالىق افريكا حالقىنىڭ سانى ەكى ەسەگە ارتۋى ىقتيمال.
بۇۇ باس حاتشىسىنىڭ ەكونوميكالىق جانە الەۋمەتتىك ماسەلەلەر جونىندەگى ورىنباسارى ليۋ چجەنميننىڭ ايتۋىنشا, الەمدەگى ەڭ كەدەي ەلدەردە, بۇل كەدەيشىلىك, تەڭسىزدىك جانە اشتىقپەن كۇرەستە قوسىمشا قيىندىقتارعا الىپ كەلەدى.سونداي-اق ءبىلىم بەرۋ مەن دەنساۋلىق ساقتاۋ جۇيەلەرىنىڭ دەڭگەيىن تومەندەتەدى. ءومىر ءسۇرۋ ۇزاقتىعىنىڭ ارتۋىنا جانە تۋ دەڭگەيىنىڭ تومەندەۋىنە بايلانىستى الەمدىك قارتايۋ دەڭگەيى جوعارىلايدى. بۇل ەۋروپا مەن سولتۇستىك امەريكادا بايقالماق.
2018 جىلى 65 جاستان اسقان قارت ادامدار سانى العاش رەت بەس جاسقا دەيىنگى بالالار سانىنان اسىپ ءتۇستى. ايتا كەتەيىك, بۇگىنگى كۇنى الەمدە 7,7 ميلليارد حالىق بار. ال قازاقستاندا قر ۇەم ستاتيستيكالىق مالىمەتتەرى بويىنشا حالىق سانى 18,49 ميلليونعا جەتتى. ياعني الەمدەگى 73-ءشى ورىندا. ساراپشىلاردىڭ باعالاۋى بويىنشا, 2025 جىلعا قاراي ەلدەگى ادام سانى 19 800 000-عا دەيىن وسپەك.
جانار ەربول,
ەۇۋ ستۋدەنتى