مەملەكەتتىك باسقارۋ جۇيەسىن ودان ءارى جەتىلدىرۋ جونىندەگى شارالار تۋرالى جارلىققا قول قويدى

قازاقستان رەسپۋبليكاسىنىڭ مەملەكەتتىك باسقارۋ جۇيەسىن ودان ءارى جەتىلدىرۋ جونىندەگى شارالار تۋرالى

قازاقستان رەسپۋبليكاسى كونستيتۋتسياسىنىڭ 44-بابىنىڭ 3) تارماقشاسىنا سايكەس مەملەكەتتىك باسقارۋ جۇيەسىن جاڭعىرتۋ جانە تيىمدىلىگىن ارتتىرۋ ماقساتىندا قاۋلى ەتەمىن:

1. مىنالار:

1) قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى, وعان قازاقستان رەسپۋبليكاسى تسيفرلىق دامۋ, قورعانىس جانە اەروعارىش ونەركاسىبى مينيسترلىگىنىڭ قورعانىس ونەركاسىبى, بىرىڭعاي اسكەري-تەحنيكالىق ساياساتتى جۇرگىزۋگە قاتىسۋ, اسكەري-تەحنيكالىق ىنتىماقتاستىقتى جۇزەگە اسىرۋ, مەملەكەتتىك قورعانىس تاپسىرىسىن قالىپتاستىرۋ, ورنالاستىرۋ جانە ورىنداۋ سالاسىنداعى فۋنكتسيالارى مەن وكىلەتتىكتەرى بەرىلە وتىرىپ;

2) قازاقستان رەسپۋبليكاسىنىڭ ۇلتتىق ەكونوميكا مينيسترلىگى, وعان قازاقستان رەسپۋبليكاسى تسيفرلىق دامۋ, قورعانىس جانە اەروعارىش ونەركاسىبى مينيسترلىگىنىڭ جۇمىلدىرۋ دايىندىعى جانە جۇمىلدىرۋ, مەملەكەتتىك ماتەريالدىق رەزەرۆتى قالىپتاستىرۋ جانە دامىتۋ سالاسىنداعى فۋنكتسيالارى مەن وكىلەتتىكتەرى بەرىلە وتىرىپ;

3) قازاقستان رەسپۋبليكاسىنىڭ تسيفرلىق دامۋ, قورعانىس جانە اەروعارىش ونەركاسىبى مينيسترلىگى, وعان:

قازاقستان رەسپۋبليكاسى اۋىل شارۋاشىلىعى مينيسترلىگىنىڭ گەودەزيا جانە كارتوگرافيا سالاسىنداعى;

قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ ەلدىڭ يننوۆاتسيالىق ساياساتى, عىلىمي-تەحنيكالىق دامۋى سالاسىنداعى فۋنكتسيالارى مەن وكىلەتتىكتەرى بەرىلە وتىرىپ, ونى قازاقستان رەسپۋبليكاسىنىڭ تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى ەتىپ قايتا قۇرۋ جولىمەن قايتا ۇيىمداستىرىلسىن.

2. قازاقستان رەسپۋبليكاسىنىڭ ۇكىمەتى:

1) قازاقستان رەسپۋبليكاسى پرەزيدەنتىنىڭ اكىمشىلىگىمەن كەلىسىم بويىنشا مەملەكەتتىك ورگانداردىڭ جانە ولارعا ۆەدومستۆولىق باعىنىستى ۇيىمداردىڭ شتات سانىن قايتا ءبولۋدى;

2) وسى جارلىقتى ىسكە اسىرۋ بويىنشا وزگە دە شارالار قابىلداۋدى قامتاماسىز ەتسىن.

3. يندۋستريا جانە ينفراقۇرىلىمدىق دامۋ, ۇلتتىق ەكونوميكا, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىكتەرى قازاقستان رەسپۋبليكاسى اۋىل شارۋاشىلىعى, تسيفرلىق دامۋ, قورعانىس جانە اەروعارىش ونەركاسىبى مينيسترلىكتەرىنىڭ بەرىلەتىن فۋنكتسيالارى مەن وكىلەتتىكتەرى شەگىندە قۇقىقتارى مەن مىندەتتەمەلەرىنىڭ قۇقىق ميراسقورى بولىپ ايقىندالسىن.

4. «قازاقستان رەسپۋبليكاسى ۇكىمەتىنىڭ قۇرىلىمى تۋرالى» قازاقستان رەسپۋبليكاسى پرەزيدەنتىنىڭ 1999 جىلعى 22 قاڭتارداعى № 6 جارلىعىنا مىناداي وزگەرىس ەنگىزىلسىن:

1-تارماقتاعى «قازاقستان رەسپۋبليكاسىنىڭ تسيفرلىق دامۋ, قورعانىس جانە اەروعارىش ونەركاسىبى مينيسترلىگى» دەگەن جول مىناداي رەداكتسيادا جازىلسىن:

«قازاقستان رەسپۋبليكاسىنىڭ تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى».

5. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

6. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

 قازاقستان رەسپۋبليكاسىنىڭ  پرەزيدەنتى   ق.توقاەۆ    

 نۇر-سۇلتان, اقوردا, 2019 جىلعى  17  ماۋسىم № 24