جاڭا تۋىندىنىڭ تانىستىرىلىمىندا «قوعامدىق كەلىسىم» مەكەمەسىنىڭ ديرەكتورى ەرلان قۇسايىن قۇتتىقتاۋ ءسوز سويلەپ, كىتاپتىڭ تۇساۋكەسەر ءراسىمىن كومەكەي اۋليەنىڭ ۇرپاعى, شەجىرەشى عالىمتاي باقتيار ۇلى جانە ورتالىق ازيا وڭىرىندەگى ەتنوسارالىق جانە كونفەسسياارالىق قاتىناستاردى زەرتتەۋ ورتالىعىنىڭ باسشىسى ايگۇل سادۋاقاسوۆا ورىندادى.
كىتاپ اۆتورى بۇل ەڭبەگىندە بۇقار جىراۋ ءومىرى مەن شىعارماشىلىعىن زەرتتەپ, ءبىر جۇيەگە تۇسىرگەن. سونىمەن قاتار, جىراۋدىڭ عىلىمي ساراپتامادان وتكەن تولىق مۇراسى جيناقتالىپ, تولعاۋلارىنداعى كونەرگەن ۇعىمدار مەن تۇسىنىكتەرگە تالداۋ جاسالعان.
ايتا كەتۋ كەرەك, اتالعان كىتاپ قازاقستان حالقى اسسامبلەياسىنىڭ «قازاقتانۋ» عىلىمي-اعارتۋشىلىق جوباسى اياسىندا قاراعاندى وبلىسى اكىمى اپپاراتى «قوعامدىق كەلىسىم» كوممۋنالدىق مەملەكەتتىك مەكەمەسىنىڭ تاپسىرىسى بويىنشا جارىق كورگەن. سونداي اق, بۇل شارا ورتالىق ازيا وڭىرىندەگى ەتنوسارالىق جانە كونفەسسياارالىق قاتىناستاردى زەرتتەۋ ورتالىعى وتكىزىپ جاتقان «ينكليۋزيۆتى قوعام» اتتى سەميناردىڭ ءبىر ءبولىمى بولىپ سانالادى.
قاراعاندى وبلىسى