جالعىز سيىر قىرىققا جەتكەن. قازىر ءسۇت, قايماعىن اۋىلداستارى تاڭسارىدەن تالاپ الادى. توقىمداي جەردەگى جىلىجاي 0,7 گەكتارعا ۇلعايىپتى. اۋماعى اتشاپتىرىم جىلىجايدىڭ ىشىندە قيار سامساپ تۇر. ءۇزىلىپ الىنىپ, تۇتىنۋشىنىڭ اق داستارقانىنا جەتىپ جاتىر. ءوڭىردە قات كوكونىستى قىلتيىپ كوكتەگەن سوڭ قۇلاعىنان تارتىپ شىعارعانداي ىجداعاتتىلىقپەن ءونىمدى جۇمىس ءجۇرىپ جاتىر.
– قازىر قالالىق جەردە تابيعي تازا ءونىم قاسقالداقتىڭ قانىنداي تاپشى بولىپ كەتتى عوي, – دەيدى سەرىكتەستىكتىڭ قارجى جونىندەگى ورىنباسارى قارلىعاش تىلەۋوۆا, – ءبىز الدىمەن وسىنى ەسكەردىك. تۇتىنۋشى ىزدەپ ەشقايدا سابىلعان جوقپىز, قۇلاقتانعان جۇرتتىڭ ءوزى كەلىپ جاتىر. اۋدان ورتالىعىنداعى 25 دۇكەنمەن كەلىسىمشارت جاسادىق. ءونىمدى ءوندىرۋ ءبىر بولەك تە, وتكىزۋ دە وزەكتى ماسەلە عوي. بۇل ورايدا بىزگە اۋدان اكىمدىگى كوپ كومەك كورسەتىپ وتىر. وتكەن كۇزدە جەرگىلىكتى كاسىپكەرلەردىڭ ءونىمدەرىن ناسيحاتتاعان ۇلكەن ءىس-شارا ۇيىمداستىرىلدى. سول جەردە جارناما جاسالدى. ءىسىمىزدىڭ العا باسۋىنا وسىنداي قامقورلىقتار سەبەپشى بولىپ وتىر.
جىلىجايعا ناۋرىز ايىنىڭ باسىندا قيار ەگىپ تاستاعان ەكەن. تامشىلاتا سۋارىلادى. ال تىڭايتقىشقا ەشقانداي حيميالىق زاتتار قولدانبايدى, ءبارى تابيعي. كوڭدى, قايىڭنىڭ ك ۇلىن پايدالانادى.
– باپتالعان ءونىمنىڭ ءوزى بەلگىلى بولىپ تۇرادى عوي. العاشقىدا قيارىمىزدى الىپ الدەبىر دۇكەنگە باردىق, ارىپتەس بولايىق دەگەن ۇسىنىسىمىزدى ايتتىق, – دەيدى سەرىكتەستىك باسشىسى نۇرلان دايىر ۇلى, – ساتۋشى كەلىنشەك قازاقتىڭ قيار ەگە ءبىلەتىنىنە كۇدىكتەنگەن ءتارىزدى. كەسىپ كورسەتتىك. ءسولى اعىپ تۇر, ال حوش ءيىسى دۇكەننىڭ ءىشىن الىپ كەتتى. سودان كەيىن دۇكەن يەلەرى وزدەرى كەلە باستادى.
قازىر سەرىكتەستىك 10 ادامعا تۇراقتى جۇمىس بەرىپ وتىر. جۇمىسشىلاردىڭ ەڭبەكاقىلارى 110-115 مىڭ تەڭگە شاماسىندا. اۋدان ورتالىعى ءۇشىن ءتاپ-ءتاۋىر جالاقى.
ىرىس تا ۇمتىلعانعا ءۇيىرىلەدى-اۋ. العاشقى جىلى ءونىم كولەمى ونشا كوپ بولماعان. بىلتىر 15 توننا قيار ءوندىرىپتى. بيىلعى مەجە – 20 توننا. ەرتە كوكتەمدە سولتۇستىكتە قيار باعاسى تۇسە قويمايدى. ويتكەنى ءدال وسىنداي جىلىجاي سالىپ جۇمىلا جۇمىس ىستەپ جاتقاندار جوققا ءتان. جاز ورتاسىندا بىرەر اي باعا ءتومەندەگەنىمەن, قوڭىر كۇزدە قايتا شارىقتاپ كەتەدى. قازىر سەرىكتەستىك ساۋدا ورىندارىنا قياردىڭ كيلوسىن 350 تەڭگەدەن تاپسىرادى ەكەن. كوكشەتاۋدىڭ ورتالىق بازارىندا دا ونىمدەرىن ساتاتىن ورىندارى بار.
قازىر سالى سۋعا كەتىپ, جۇمىس جوق دەپ سىلتاۋ ايتاتىندار كوپ. زەرەندىلىك كاسىپكەرلەردىڭ قيار ەگىپ, قايماق بىلعاپ وتىرعان ءىسىن سولارعا ۇلگى بولۋ ءۇشىن ايتقىمىز كەلدى.
اقمولا وبلىسى,
زەرەندى اۋدانى