«سايلاۋ الدى ۇگىت-ناسيحات جۇمىسى بارىسىندا ەلىمىزدىڭ تۇكپىر-تۇكپىرىندە بولدىم. قازاقستاننىڭ بارلىق ايماقتارىنان ءتۇرلى ۇسىنىستار جينالدى. بەلسەندىلىك تانىتقان بارشا ازاماتقا العىس بىلدىرەمىن. 5000-نان كوپ ۇسىنىس ءتۇستى. ناقتى ايتاتىن بولساق, ازاماتتار ادىلدىكتى قالايدى. حالىقتى تولعاندىرعان باستى ماسەلە – تابىس كوزىنىڭ تومەندەۋى. تەڭگەنىڭ دەۆالۆاتسياسى حالىقتى الانداتادى. وسىنداي الەۋمەتتىك, ساياسي, ەكونوميكالىق ماسەلەلەردى شەشۋ قاجەت» دەدى ق.توقاەۆ ءوزىنىڭ ۇلىقتاۋ راسىمىندە سويلەگەن سوزىندە.
سوندىقتان ەل پرەزيدەنتى مىناداي ماسەلەلەردى شەشۋ قاجەتتىلىگىنە توقتالدى.
«العاشقى ماسەلە - تۇرعىنداردىڭ ءومىر ساپاسىن جاقسارتۋ, جول ماسەلەسىن, اۋىز سۋ ماسەلەسىن رەتتەۋ. ءاربىر ۇيدە اۋىز سۋ بولۋى كەرەك. ەكىنشى جۇمىس – سىبايلاس جەمقورلىقپەن كۇرەس. جەمقورلىق مەملەكەتتىڭ دامۋىن تەجەيتىن كەسەل. سىبايلاس جەمقورلىققا قارسى جۇمىستى جالعاستىرامىز» دەدى ەل پرەزيدەنتى ق.توقاەۆ