«جوسپارىمىز بويىنشا اللەيانىڭ ءوزى دە – «نۇرجول» بۋلۆارى, پرەزيدەنت ساياباعى, بايتەرەك, عاشىقتار ساياباعى بويىنشا قالانىڭ ورتالىق بەلدىگىن جالعاستىراتىن ۇلكەن ءارى دەمالۋشىلارعا ىڭعايلى جاسىل ساياباققا اينالادى. بۋلۆاردىڭ ناق ورتاسىندا ورنالاساتىن جاڭا قازاق دراما تەاترى وسى جەردىڭ ەڭ باستى نىسانى بولماق. ال ونى بويلاي ۇلتتىق, ازيالىق جانە ەۋرازيالىق ساۋلەت ستيلىندە تۇرعىن ۇيلەر سالىنادى. ءبىز اللەيانىڭ ورتالىق بۋلۆارىن جوبالاۋ بويىنشا كونكۋرس جاريالاپ قويدىق. ال جاقىندا وتكەن قالا قۇرىلىسىنىڭ كەڭەسىندە ونى اينالا قورشايتىن تۇرعىن ءۇي كەشەندەرىنىڭ جوبالارىن قارادىق.
«مىڭجىلدىق» اۋدانىنىڭ جاڭا كەلبەتىنە قالالىقتار ءوز باعاسىن بەرەتىنىنە سەنىمدىمىن», - دەپ اتادى اكىم. «مىڭجىلدىق» اۋماعىنىڭ اۋدانى 1,2 مىڭ گەكتارعا جۋىق. اۋماقتىڭ 10% يگەرىلىپ, جول جانە ينجەنەرلىك جەلىلەرىنىڭ 50% سالىندى.