قازاقستانداعى پرەزيدەنتتىك سايلاۋعا بايقاۋشى بولىپ تىركەلگەن رەسەيلىك اكتەر الەكساندر راپوپورت ءوزى ارالاپ كورگەن سايلاۋ ۋچاسكەلەرىندە بارلىعى ءبىرقالىپتى, بەكىتىلگەن تالاپتارعا ساي وتكەنىن ايتتى.
− ءار مەملەكەتتىڭ سايلاۋ وتكىزۋدە وزىندىك ەرەكشەلىكتەرى بار. مەنىڭشە, قازاقستانداعى سايلاۋدا بەكىتىلگەن شەكتەن اسپايتىنى, قاۋىپسىزدىك ماسەلەسى ءبىرىنشى ورىندا تۇرعاندىعىمەن ەرەكشە. ونىڭ ۇستىنە قازاق حالقىنىڭ قوناقجاي, مەرەكەلىك دارقان كوڭىلى سايلاۋ ناۋقانىندا دا سەزىلەدى. بۇنى مەنەن باسقا دا بايقاۋشىلار ايتىپ جاتىر, – دەدى حالىقارالىق بايقاۋشى.
ايتا كەتەرلىگى, قازاق كورەرمەندەرىنە كەڭىنەن تانىمال «كوشباسشى جولى» فيلمىنە تۇسكەن رەسەيلىك ءارتىس الەكساندر راپوپورت 30 جىلدان بەرى نيۋ-يوركتە تۇرادى. ونىڭ ايتۋىنشا, باتىس پەن شىعىستا سايلاۋعا كەلۋشى حالىقتىڭ تانىم-ءتۇسىنىگىندە ايىرماشىلىقتار بار.
ەركەجان ايتقازى,
«Egemen Qazaqstan»