ەلوردا ۋاقىتى بويىنشا 07:00-دە باستالعان كەزەكتەن تىس پرەزيدەنت سايلاۋىندا داۋىس بەرۋ اياقتالدى.
استانا ۋاقىتىمەن 21:00-دە (باتىس قازاقستان ۋاقىتىمەن 20:00-دە) قازاقستاننىڭ بەس وڭىرىندە: اقتوبە, اتىراۋ, باتىس قازاقستان, قىزىلوردا جانە ماڭعىستاۋ وبلىستارىندا داۋىس بەرۋ اياقتالدى. بۇعان دەيىن ەلدىڭ 17 ءوڭىرىنىڭ 12-سىندە داۋىس بەرۋ اياقتالعانىن حابارلاعان بولاتىنبىز.
ەسكە سالا كەتەيىك, قازاقستاندا كەزەكتەن تىس پرەزيدەنت سايلاۋى كۇنى سايلاۋ ۋچاسكەلەرى جەرگىلىكتى ۋاقىتپەن 07:00-دە اشىلىپ, 20:00-گە دەيىن جۇمىس ىستەدى. قازاقستان اۋماعىندا جانە ونىڭ سىرتىندا 9 968 سايلاۋ ۋچاسكەسىندە سايلاۋشىلار داۋىس بەردى.