بۇل تۋرالى قالالىق اقپاراتتىق-كوممۋنيكاتسيالىق ورتالىقتا وتكەن بريفينگتە قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى قۋاتجان جۇماتاەۆ ايتىپ ءوتتى.
سالالىق باسقارما باسشىسىنىڭ مالىمەتىنشە شاھاردا وتكەن جىلى الەۋمەتتىك ماڭىزى بار جالپى 10 باعىت بويىنشا اۆتوبۋستار شالعايداعى شاعىناۋداندارعا قاتىناي باستاعان. اتاپ وتسەك, 55, 141, 142, 143, 144, 146, 147, 148, 149 جانە 150 باعىتتارى كۇندەلىكتى قالا تۇرعىندارىن تاسىمالداۋدا.
سونداي-اق, جىل باسىنان بەرى قالادا 21 كولىك كومپانياسىنا كەمشىلىكتەردى جويۋ جونىندە 67 ەسكەرتۋ حات جولدانعان. قۋاتجان جۇماتاەۆتىڭ ايتۋىنشا, قوعامدىق كولىك باعىتتارىنىڭ جۇمىسىن باقىلاۋ ماقساتىندا كولىك كومپانيالارىنىڭ وكىلدەرىمەن بىرگە رەيدتىك ءىس-شارالار ۇيىمداستىرىلۋدا. 2019 جىلدىڭ ناتيجەسىندە تالاپتى ساقتاماعان ەكى باعىتپەن كەلىسىم-شارت بۇزىلعان.
قالاداعى قوعامدىق كولىكپەن قاتار كوشەلەردىڭ ساپاسى دا قاتاڭ قولعا الىنعان. بۇگىندە شاھاردا 33 شاقىرىمدى قۇرايتىن 11 ماگيسترالدى كوشەدە قۇرىلىس, قايتا قۇرۋ جانە ورتاشا جوندەۋ جۇمىستارى جۇرگىزىلۋدە. ءبىر جەرۇستى وتكەلىنىڭ جانە 5 كوپىردىڭ قۇرىلىسى جانە قايتا قۇرۋ جۇمىستارى اتقارىلۋدا.
شىمكەنت