«قالىڭ جۇرتشىلىق لاتىن گرافيكاسىن رۋحاني وركەنيەتتىڭ ءبىر بەلگىسى رەتىندە جىلى قابىلداپ, جاڭا داۋىرلىك كەزەڭگە كوشۋ جانە جاڭا اقپاراتتىق كەڭىستىككە شىعۋ ماقساتىنداعى ىرگەلى بەتبۇرىس رەتىندە باعالايدى. لاتىن گرافيكاسىنا وقىتۋ اۋديتورياسىن اشۋ يدەياسى ۇكىمەتتىڭ 2018 جىلعى 13 ناۋرىزداعى وكىمىمەن بەكىتىلىپ, 2025 جىلعا دەيىن كەزەڭ-كەزەڭمەن كوشىرۋ ءىس-شارالار تۇزىلگەن بولاتىن», دەيدى اعا وقىتۋشى گۇلنار ءالجانوۆا.
لاتىن گرافيكاسىنا وقىتۋ اۋديتورياسىن اشۋ راسىمىنە م.قوزىباەۆ اتىنداعى سقمۋ-ءنىڭ, ىشكى ساياسات, ءبىلىم باسقارمالارىنىڭ وكىلدەرى, كۋرس تىڭداۋشىلارى قاتىسىپ, ءوزارا تاجىريبە الماستى. وندا كىتاپ كورمەسى, قۇجاتتار بويىنشا اقپاراتتىق ايماق, ءىس-شارالار فوتوكوللاجى, لاتىن تىلىندە جازىلعان ەلەكتروندى جيناقتار مەن قۇجاتتار تۋرالى اقپاراتتار, ستەندتەر قويىلدى.
«دوڭگەلەك ۇستەل» بارىسىندا ەملە ەرەجەلەرىن پايدالانۋ, لاتىن ءالىپبيى نەگىزىندە دۇرىس جازۋ ماسەلەلەرى بويىنشا پىكىرلەر ورتاعا سالىندى. ءوڭىر بويىنشا ءبىرىنشى رەت قولدانىسقا بەرىلگەن كابينەت جۇمىسى رەسپۋبليكاداعى فيليالدارعا تانىستىرىلدى. ينستيتۋتتىڭ ءبىر توپ وقىتۋشىسى ءتىل ءبىلىمى ينستيتۋتى ۇيىمداستىرعان بىلىكتىلىكتى ارتتىرۋ كۋرسىنىڭ سەرتيفيكاتىن يەلەندى.
لاتىن گرافيكاسىنا وقىتۋ اياسىندا ينستيتۋتتا دوڭگەلەك ۇستەل, عىلىمي-تاجىريبەلىك كونفەرەنتسيالار جانە ينتەراكتيۆتى ۇزىلىستەر سياقتى ءىس-شارالار ءداستۇرلى تۇردە ۇيىمداستىرىلاتىن بولادى.
سولتۇستىك قازاقستان وبلىسى