قازاقتىڭ باتىر, مەرگەن قىزى ءاليا مولداعۇلوۆانىڭ تۋىپ-وسكەن توپىراعىندا بۇگىنگى جاس قىز-جىگىتتەردى مەرگەندىككە باۋلۋدىڭ جاڭا مۇمكىندىكتەرى جاسالدى.
مۇنىڭ باستى دالەلى وبلىستىق –تاجىريبەلىك اتۋ فەدەراتسياسىنىڭ جانىنان اتۋ جانە نىساناعا كوزدەۋ كەشەنىنىڭ اشىلعانى. جاڭا سپورتتىق قۇرىلىم وبلىس ورتالىعى ماڭايىنداعى «اقجار» اۋىلىنىڭ تۇسىندا ورنالاسقان.
ەل وڭىرلەرى اراسىندا بالاماسى جوق كەلىستى كەشەننىڭ جالپى كولەمى - 4 گەكتاردى قۇرايدى. مۇنداعى اتشاپتىرىم اشىق الاڭدا اتۋ مەن كوزدەۋدىڭ جەتى ءتۇرى بويىنشا جاتتىعۋلار جاساۋعا بولادى. مەرگەندىككە باۋلۋ ورتالىعى اقتوبە قالاسىنا 150 جىل تولۋىنا وراي پايدالانۋعا بەرىلەتىن نىساندار تىزبەگىندە اشىلعان.