ق. وسكەنباەۆ بايانداعانداي, نۇر-سۇلتان, الماتى جانە شىمكەنت قالالارى ءۇشىن ارنايى باعدارلاما ازىرلەنگەن, ونىڭ اياسىندا جىل سايىن قالا ماڭىنداعى اۋىلداردى ساپالى اۋىز سۋمەن قامتۋ ءۇشىن 30 ملرد تەڭگەدەن ءبولىنىپ وتىرادى. بۇل جوبالاردى جۇزەگە اسىرۋ بيىل باستالىپ كەتتى.
ءبىرىنشى ۆيتسە-مينيستر 10,6 ملن ادام قالا حالقىنان 10 ملن ادام بۇگىنگى تاڭدا تولىققاندى ورتالىقتاندىرىلعان سۋمەن قامتىلعانىن ايتتى. اۋىلدىق جەرلەردە تۇراتىن 7,7 ملن ادامنان 6,5 ملن ادام ءۇشىن ورتالىقتاندىرىلعان سۋمەن قامتۋ جۇيەسى قولجەتىمدى.
تۇرعىندارىنىڭ سانى 200 ادامنان از بولاتىن اۋىلدارداعى 1,2 ملن ادام سانيتارلىق نورمالارعا ساي كەلەتىن سۋمەن قامتۋ قىزمەتىمەن قامتىلماعان. ق. وسكەنباەۆتىڭ ايتۋىنشا, ول جەرلەرگە ماگيسترالدى سۋ قۇبىرلارىن تارتۋ تىم كوپ شىعىندى تالاپ ەتەدى, مۇنى ەشقانداي مەملەكەت قامتاماسىز ەتە المايدى. بىراق, شاعىن بولسا دا, ءىرى بولسا دا, كەز كەلگەن اۋىل سۋمەن قامتاماسىز ەتىلۋى كەرەك. بۇل رەتتە سانيتارلىق نورمالارعا ساي كەلەتىن سۋمەن قامتي الاتىن بلوك-مودۋلدەردى قويۋ جوسپارلانعان. وسىلايشا, 2 607 اۋىلداعى 1,2 ملن ادام سۋمەن قامتۋ قىزمەتتەرىمەن قامتاماسىز ەتىلەدى. بۇل ورايدا, سۋ ءاربىر ۇيگە دەيىن جەتكىزىلەدى, ال اكىمدىك ءاربىر ءۇيدىڭ قانشا كولەمدەگى سۋدى تۇتىناتىنىن ءبىلىپ وتىرادى.
سونىمەن قاتار قر يدم سۋ قۇبىرلارىن 100% اۋىستىرۋدى كوزدەپ وتىر. بۇل قۇبىرلاردىڭ توزۋى ماسەلەسىن تولىق شەشۋگە مۇمكىندىك بەرەدى. ءبىرىنشى ۆيتسە-مينيستر اتاپ وتكەندەي, سۋ ءتاريفى وزگەرمەيدى.
«سۋعا تاريف بار, ءبىز ونىڭ 30%-ىن مونوپوليستەرگە ينۆەستيتسيالىق باعدارلاما رەتىندە قالدىرۋدى (قۇبىرلاردى اۋىستىرۋ ءۇشىن) ۇسىنامىز, 70% – اعىمداعى جوندەۋ جۇمىستارى مەن اكىمشىلىك شىعىندارعا جۇمسالادى. قازىر ەسەپتەۋلەر ءجۇرىپ جاتىر, ءتۇرلى پروپورتسيالار بولۋى مۇمكىن. 15 جىل ىشىندە ءبىز بارلىق قۇبىرلاردى اۋىستىرۋىمىز كەرەك. بيۋدجەتتىك باعدارلاما بويىنشا ءاربىر ءۇش جىل سايىن قۇبىرلاردىڭ 20% جاڭارتىلىپ وتىرادى. وسىلايشا, 15 جىلدا ءبىز قۇبىرلاردى 100% جاڭارتامىز. قۇبىرلاردىڭ جارامدىلىق مەرزىمى – 30 جىل», — دەدى ق. وسكەنباەۆ.