م. قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىندە "اقىن جۇرەكتى قايراتكەر" اتتى دوڭگەلەك ۇستەل ءوتىپ, وعان الماتى مەن استانادان كەلگەن ارنايى دەلەگاتسيا مۇشەلەرى, ونەرسۇيەر قاۋىم, زيالى قاۋىم وكىلدەرى, جاستار قاتىستى.
القالى باسقوسۋدى سقمۋ-ءدىڭ عىلىم جانە يننوۆاتسيالار جونىندەگى پرورەكتورى, تاريح عىلىمدارىنىڭ دوكتورى اقمارال ىبىراەۆ كىرىسپە سوزبەن اشىپ, الىستان كەلگەن مارتەبەلى قوناقتارعا ءسوز بەرىپ وتىردى. بەلگىلى جازۋشى قۋانىش جيەنباي, عالىم قۇدايبەرگەن تۇرسىنوۆ, رەسپۋبليكالىق «ەگەمەن قازاقستان» گازەتىنىڭ قىزمەتكەرى سۇلەيمەن مامەت, مارقۇمنىڭ جان جارى كۇلاش قايىرجانقىزى, وبلىستىق جازۋشىلار وداعىنىڭ توراعاسى جاراسباي سۇلەيمەنوۆ, تاعى باسقالارى ەرەكەڭنىڭ ەل ءۇشىن سىڭىرگەن زور ەڭبەگى, قالامگەرلىك قۋاتى, قايرەتكەردىك تۇلعاسى جايلى ەستەن كەتپەس اسەرلى ەستەلىكتەر ايتىپ, اسىرەسە, تاۋەلسىزدىكتىڭ ەلەڭ-الاڭ شاعى ۋاقىتىنداعى ازاماتتىق بولمىس-بىتىتىمىنە, كۇرەسكەرلىك تۇلعاسىنا جان-جاقتى توقتالدى. كىتاپ كورمەسىندە ە. شايمەردەنوۆتىڭ ءار جىلدارى جارىق كورگەن كىتاپتارى مەن ماقالالارى توپتاستىرىلدى.
جيىن سوڭىندا ستۋدەنتتەر اقىننىڭ ولەڭدەرىن وقىپ, جىردان شاشۋ شاشتى. قوعام قايراتكەرىن ەسكە الۋ شارالارى جامبىل اۋدانىنىڭ ورتالىعى پرەسنوۆ كەنتى مەن تۋعان جەرى جاڭاجول اۋىلىندا جالعاستى.
سولتۇستىك قازاقستان وبلىسى