بۇعان دەيىن تالدىقورعان قالاسىنداعى №19 مەكتەپتىڭ شاعىن ورتالىعىندا وقىس وقيعا بولىپ, 2 جاستاعى ءبۇلدىرشىن جوعارعى قاباتتان قۇلاپ كەتكەن ەدى. اۋىر جاراقات الىپ, اۋرۋحاناعا جەدەل جەتكىزىلگەن ارۋنانىڭ ءومىرى ءۇشىن جەتىسۋلىق دارىگەرلەر ايعا جۋىق كۇرەستى.
ال بۇگىنگى كۇننىڭ ارايلى تاڭىن ارۋنا ءوز ۇيىندە قارسى الدى. كەشە جاعدايى وڭالىپ, قاۋىپتىڭ بەتى سەيىلگەن بالانى دارگەرلەر اۋرۋحانادان شىعارىپ, اتا-اناسىنىڭ قاراۋىنا بەردى.
- ارۋنا ءوزى كىشكەنتاي بولعانىمەن قايسار ەكەن. ءومىر ءۇشىن كۇرەسىپ, اجالدى جەڭدى. ءبىز وعان تەك كومەكتەستىك. دارىگەرلەر ۇنەمى سوڭعى مۇمكىندىكە دەيىن ارەكەت ەتىپ, بالانىڭ امان الىپ قالۋعا جۇمىلدى. ەندى ءبارى ارتتا قالدى دەپ ويلامىن. بۇل – ءبىزدىڭ جەڭىسىمىز. ءبۇلدىرشىن تولىقتاي جازىلىپ كەتكەنشە ارنايى دارىگەردىڭ باقىلاۋىندا بولادى, - دەيدى الماتى وبلىستىق كوپسالالى بالالار اۋرۋحاناسىنىڭ رەانيماتولوگ-انەستەزيلوگ دارىگەرى الياكبار بەك ۇلى.
الماتى وبلىسى