سونداي-اق قازاقستاندىق كينەماتوگرافتاردىڭ سوڭعى جىلدارى تۇسىرىلگەن تانىمال فيلمدەرىنىڭ تانىستىرىلىمى دا فەستيۆالدىڭ مازمۇنىن تەرەڭدەتە ءتۇستى. ليتۆا كورەرمەندەرىنە «اناعا اپارار جول», «شال», «تالان», «الماس قىلىش», «جاۋجۇرەك مىڭ بالا» فيلمدەرى جانە «كۇلتەگىن» انيماتسيالىق ءفيلمى ۇسىنىلدى.
قازاقستاننىڭ ليتۆاداعى ەلشىسى ۆ.تەمىرباەۆ ەۆا سيمونايتيتە اتىنداعى كىتاپحانادا ۇيىمداستىرىلعان ءىس-شارانىڭ اشىلۋ راسىمىندە قازاقستاندىق ونەردىڭ كوپشىلىككە تارالۋى جانە ەلىمىزدىڭ مادەني الەۋەتىنىڭ دامۋىنداعى وركەندەۋدىڭ «رۋحاني جاڭعىرۋ» باعدارلاماسى مەن « ۇلى دالانىڭ جەتى قىرى» اتتى ەلباسى ماقالاسى ارقىلى ويداعىداي ءىسكە اسىرىلىپ جاتقانىن اتاپ ءوتتى.
بۇعان قوسا, قازاقستاندىق ديپلومات قازاقستان مەن ليتۆا اراسىنداعى مادەني ديالوگتى تەرەڭدەتۋ, اسىرەسە جاس ۇرپاقتاردىڭ اراسىندا قاجەت ەكەنىن باسا ايتتى.
قازاقستان ونەرىنىڭ تانىستىرىلىمىنا ارنايى كەلگەن كلايپەدا قالاسىنىڭ مەرى ۆ.گرۋبلياۋسكاس جانە قازاقستاننىڭ كلايپەداداعى قۇرمەتتى كونسۋلى ب.پەتراۋسكاس, سونداي-اق ليتۆانىڭ جەتەكشى ۋنيۆەرسيتەتتەرىنىڭ رەكتورلارى – «كلايپەدا ۋنيۆەرسيتەتى» مەن «LCC University» ىنتىماقتاستىقتى تەرەڭدەتۋدەگى قىزىعۋشىلىقتى راستادى.
اشىلۋ سالتاناتىنا قاتىسقان «ليتۆانىڭ تەڭىز استاناسىنىڭ» تۇرعىندارى مەن قوناقتارى قازاق ونەرىنىڭ تۋىندىلارىن قىزىعا تاماشالاپ, كورمەنىڭ جارقىن تۇستەرى مەن تەرەڭ ماعىناسىنا ايرىقشا كوڭىل اۋداردى.
سۋرەتشى راۋزا ەراليەۆانىڭ كورمەسى مەن قازاقستان كينوسىنىڭ كۇندەرى كلايپەدا قالاسىندا 5 ماۋسىمعا دەيىن جالعاسادى.
الماتى