مەملەكەت باسشىسى ەرەكشە مۇقتاج بالالاردىڭ شىعارماشىلىعىنا ارنالعان XIV «جۇلدىزاي» حالىقارالىق فەستيۆالىنىڭ گالا-كونتسەرتىن تاماشالادى.
كونكۋرستىق ىرىكتەۋدىڭ اقتىق كەزەڭىنە 255 بالا قاتىستى. ەڭ تاڭداۋلى ونەرپازدار قورىتىندى گالا-كونتسەرتتىڭ باعدارلاماسىنا ەنگىزىلدى. كونتسەرتتە فەستيۆالعا قاتىسۋشى بالالارمەن بىرگە دۋەتتە كەشYOU", داۋلەت بولاتوۆ, بالجان بيداش, ايشا, نازىم ءابىلدينا سياقتى وتاندىق ەسترادا جۇلدىزدارى مەن «داۋىس. بالالار» جوباسىنىڭ جەڭىمپازى ماكسيم ەرجان ونەر كورسەتتى.
***
بۇل حالىقارالىق فەستيۆالدى ءبىلىم جانە عىلىم مينيسترلىگىنىڭ قولداۋىمەن «BI-جۇلدىزاي» كورپوراتيۆتىك قورى ۇيىمداستىردى. بيىل شىعارماشىلىق كونكۋرسقا قاتىسۋ ءۇشىن قازاقستاننىڭ بارلىق وڭىرىنەن 7 758 ءوتىنىم تۇسكەن. ونىڭ سىرتىندا, گرۋزيادان, بەلارۋستەن, تۇركيادان, رەسەي فەدەراتسياسىنان جانە فرانتسيادان ونەرپازدار قاتىستى.