مەملەكەت باسشىسى حالىقارالىق بالالاردى قورعاۋ كۇنى ەلىمىزدىڭ بارلىق وڭىرىنەن كەلگەن حالىقارالىق جانە رەسپۋبليكالىق وليمپيادالاردىڭ جەڭىمپازدارىمەن, وقۋ ۇزدىكتەرىمەن, كوپبالالى وتباسىلاردىڭ بالالارىمەن, بالالار ءۇيىنىڭ تاربيەلەنۋشىلەرىمەن كەزدەستى.
اڭگىمەلەسۋ بارىسىندا قاسىم-جومارت توقاەۆ بالالاردى مەرەكەمەن قۇتتىقتاپ, ولارعا وقۋدا تابىس تىلەدى.
– قازىرگى زاماندا ءبىلىمدى جانە كاسىبي مامان بولۋ وتە ماڭىزدى. ءبىلىمدى ادامنىڭ شاماسى بارىنە جەتەدى. سوندىقتان, سەندەردىڭ جاسىڭدا, ەڭ باستىسى, جاقسى وقىپ, ءبىلىم الۋ. ەلىمىزدىڭ لايىقتى ازاماتتارى بولاتىندارىڭا سەنىمدىمىن. سەندەرگە باقىت تىلەيمىن, – دەدى قازاقستان پرەزيدەنتى.
ورتا سىنىپتىڭ 40 وقۋشىسى ءۇشىن «اقوردا» رەزيدەنتسياسىندا تاقىرىپتىق ەكسكۋرسيا ۇيىمداستىرىلدى. ولار بۇكىل ەلىمىز ءۇشىن ماڭىزدى ستراتەگيالىق شەشىمدەر قابىلداناتىن وسىناۋ عاجاپ عيمارات تۋرالى كوپتەگەن قىزىقتى دەرەكتەرمەن تانىستى. سونىمەن قاتار, ەكسكۋرسيا بارىسىندا ەلباسىنىڭ تۇلعالىق قىرىنا جانە ونىڭ تاريحتاعى رولىنە ەرەكشە كوڭىل ءبولىندى.