الماتى وبلىسىندا وتباسى قۇندىلىقتارىن دارىپتەۋ ماقساتىندا «باقىتىڭ جانىڭدا» جوباسى باستالۋدا. قوعامنىڭ باستى قۇندىلىعىن دارىپتەيتىن باستامانى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى قولعا الىپ وتىر..
- جوبا اياسىندا مەملەكەتتىك قىزمەتشىلەردىڭ جاس وتباسىلارى ماراپاتتالىپ, قوعامعا مەملەكەتتىك قىزمەتتە ءجۇرىپ وتباسىن قۇرۋدىڭ قيىن ەمەستىگىن ناسيحاتتاپ, قوعامعا جەتكىزۋدى ماقسات ەتىپ وتىرمىز, - دەدى بۇل تۋرالى مەملەكەتتىك قىزمەت باسقارماسىنىڭ باسشىسى جادىرا يمانعاليەۆا.
دەرەك بويىنشا, الماتى وبلىسىنداعى مەملەكەتتىك قىزمەتشىلەرىنىڭ سانى 7498 ادامدى قۇراسا, ولاردىڭ اراسىندا جەمىستى جۇمىس ىستەپ, وتباسىندا ۇل-قىز تاربيەلەپ وتىرعان 332 اۋلەت بار.