تالداۋ ناتيجەلەرى كورسەتكەندەي بارلىق توتەنشە جاعدايلار قاۋىپسىزدىك شارالارىن ساقتاماۋ سالدارىنان بولىپ وتىر. ماسەلەن, رۇقسات ەتىلمەگەن جەرلەردە شومىلۋ, قاۋىپسىزدىك ەرەجەسىن بۇزۋ, سونداي-اق بالالاردىڭ قاراۋسىز قالۋى جانە ەرەسەكتەردىڭ ىشىمدىك ىشكەن كۇيدە سۋعا ءتۇسۋى بولىپ تابىلادى.
- ماۋسىم ايىنىڭ بىرىنەن سۋدا ءجۇزۋ ماۋسىمى باستالادى. وسى ورايدا جەدەل قۇتقارۋ شارالارى دا ءبىرىنشى كەزەكتە اتقارىلۋى كەرەك. «سۋدا قۇتقارۋ ستانتسياسىن» سالۋ تۋرالى ۇسىنىسىمىز بار. قازىرگى تاڭدا جوباعا قاراجات ءبولۋ جاعى قاراستىرىلىپ جاتىر. باستىسى, حالىقتىڭ قاۋىپسىزدىگى عوي, قولداۋ تابادى دەگەن ۇمىتتەمىن, دەدى وڭىرلىك كوممۋنيكاتسيالار قىزمەتى الاڭىندا وتكەن بريفينگتە ماڭعىستاۋ وبلىستىق توتەنشە جاعدايلار دەپارتامەنتى باسشىسى, ازاماتتىق قورعاۋ پولكوۆنيگى كۋانار بەكەن ۇلى.
وبلىس اۋماعىندا كاسپي تەڭىزى ماڭىندا جازعى دەمالىسكا ارنالعان 30 بولىمشە بار. وعان اكتاۋ قالاسى جانە «كەندىرلى» دەمالىس ايماعىنداعى بازالار, جاعاجاي ايماقتارى, بالالار لاگەرلەرى كىرەدى. الداعى ۋاقىتتا وڭىردە تەڭىزدە قاۋىپسىزدىكتى قامتاماسىز ەتۋ ءۇشىن مو توتەنشە جاعدايلار دەپارتامەنتى جەدەل قۇتقارۋ جاساعىنىڭ 4 قۇتقارۋ بولىمشەسى جۇمىس جاسايدى. ولار اقتاۋ قالاسى, كەندىرلى دەمالىس بازاسىندا, تۇپقاراعان اۋدانى جانە قۇرىق سەلوسىندا ورنالاسقان.
ماڭعىستاۋ وبلىسى