قازاقستان رەسپۋبليكاسى تۇڭعىش پرەزيدەنتى-ەلباسى نۇرسۇلتان نازارباەۆ ەۋرازيالىق ەكونوميكالىق وداق مەملەكەتتەرىنىڭ باسشىلارىنا العىس ءبىلدىردى.
«ۆلاديمير پۋتين ءوز سوزىندە ماعان جوعارى ەۋرازيالىق ەكونوميكالىق كەڭەستىڭ قۇرمەتتى توراعاسى اتاعىن بەرۋ تۋرالى ايتتى. ونىڭ بۇل باستاماسى ءۇشىن ەرەكشە ريزاشىلىعىمدى بىلدىرەمىن. سونداي-اق قولداۋ بىلدىرگەن بارلىق قاتىسۋشىلارعا العىس ايتامىن. تمد مەن ەاەو-داعى تاجىريبەمدى ەسكەرە وتىرىپ, مەنىڭ كۇش جىگەرىم مەن مۇمكىندىكتەرىم بارلىقتارىڭىز ءۇشىن, اسىرەسە, ءبىزدىڭ ەكونوميكالىق وداق ءۇشىن پايدالى بولادى دەپ ويلايمىن», - دەدى نۇرسۇلتان نازارباەۆ.
ەسكە سالا كەتەيىك, نۇر-سۇلتان قالاسىندا نۇرسۇلتان نازارباەۆتىڭ ەۋرازيالىق ينتەگراتسيا جونىندەگى يدەياسىنىڭ 25 جىلدىعىنا جəنە ەۋرازيالىق ەكونوميكالىق وداق جونىندەگى كەلىسىمگە قول قويىلۋىنىڭ 5 جىلدىعىنا وراي جوعارى ەۋرازيالىق ەكونوميكالىق كەڭەستىڭ كەزەكتى وتىرىسى ءوتىپ جاتىر.