اتالمىش مەكەمە مادەنيەت جانە سپورت مينيسترلىگىنىڭ جاستار جىلى اياسىندا اشىلدى.
«JASTAR» COWORKING ورتالىعىنىڭ اشىلۋى جاستارمەن جانە جاستارمەن جۇمىس ىستەيتىن مامانداردىڭ جىلىنىڭ باستى وقيعاسى بولماق. ورتالىقتا قالانىڭ جاستار قوعامداستىعى ءۇشىن كىتاپحانا قورى مەن ۇلتتىق اكادەميالىق كىتاپحاناداعى زاماناۋي دەرەكتەر قورىن قولدانا وتىرىپ, ءارتۇرلى ءبىلىم سالالارى بويىنشا جاڭا تاجىريبەلەرمەن تانىسۋعا مۇمكىندىك بەرەدى. ورتالىقتا جاستار ءۇشىن ءبىرتۇتاس يدەيالاردى العا جىلجىتۋ ءۇشىن جاڭا جوبالارى ىسكە اسىرىلىپ, جاڭا باستامالار مەن شىعارماشىلىق الاڭ بولىپ تابىلادى.
«JASTAR» COWORKING-ورتالىعىن قۇرۋداعى ماقسات – سەمينار مەن كونفەرەنتسيالار, ىسكەرلىك كەزدەسۋلەر, سونداي-اق ءارتۇرلى باعىتتا شەبەرلىك ساباقتارىن ۇيىمداستىرۋ جانە جاستاردىڭ ءوزىن-ءوزى دامىتۋلارى ءۇشىن شىعارماشىلىق, عىلىمي ورتانى جيناقتاۋ, ونىڭ بەلسەندى قاتىسۋلارىن قوعامدىق ومىرگە ارالاسۋلارىن تالپىندىرۋ بويىنشا ارنايى ءىس-شارالار ۇيىمداستىرۋ بولىپ تابىلادى. ەڭ باستىسى – كىتاپحانا جاستارعا اقپاراتتىق قولداۋدى قامتاماسىز ەتەدى, ويتكەنى ول اقپاراتتىق جانە ەلەكتروندىق رەسۋرستاردىڭ مول قورى بار, سونداي-اق قازىرگى زامانعى قىزمەتتەر: ەلەكتروندىق ادەبيەتكە تاپسىرىس, قۇجاتتاردى ەلەكتروندى جەتكىزۋ, كىتاپحاناشىعا سۇراق قويۋ جانە ت.ب. قىزمەتتەردى اتقاراتىن بولادى.
«JASTAR» COWORKING-ورتالىعىنىڭ پايدالانۋشىسى بەلسەندى جاستار, ستۋدەنتتەر, كاسىپكەرلەر, فريلانسەرلەر, سونداي-اق, ءوزىن-ءوزى دامىتۋعا ۇمتىلعان وقىرماندار بولادى.
ءىس-شارانىڭ سالتاناتتى اشىلۋىنا مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپارتامەنتىنىڭ ديرەكتورى ءابىل جولامانوۆ, «نۇر وتان» پارتياسى جانىنداعى «جاس وتان» جك توراعاسى داۋلەت كارىبەك, مەملەكەت جانە قوعام قايراتكەرى, جازۋشى, فيلولوگيا عىلىمدارىنىڭ دوكتورى, پروفەسسور مىرزاتاي جولداسبەكوۆ, فيلولوگيا عىلىمدارىنىڭ دوكتورى, پروفەسسور, تۇركولوگ شاكىر يبراەۆ, جازۋشى, ەتنوديزاينەر, «التىن وردا» ديزاين ءۇيىنىڭ باس ديرەكتورى, «التىن ساپا» پرەزيدەنتتىك سىيلىعىنىڭ لاۋرەاتى ىرزا تۋرسىنزادا, جازۋشى, اقىن, دراماتۋرگ بايانعالي ءالىمجان, «نۇر وتان» پارتياسى جانىنداعى «جاس وتان» جك ۇيىمداستىرۋ-اۋماقتىق جۇمىسىنىڭ ۇيلەستىرۋشىسى, «ءبىلىم ورتالىعى» پارتيالىق جوباسىنىڭ ۇيلەستىرۋشىسى, «قازاقستاننىڭ 100 جاڭا ەسىمى» رەسپۋبليكالىق كونكۋرسىنىڭ لاۋرەاتى جازيرا بولتاەۆا, قازاقستان حالقى اسسامبلەياسى جانىنداعى «جاراسىم» رەسپۋبليكالىق جاستار ۇيىمىنىڭ توراعاسى, «قازاقستاننىڭ ءجۇز جاڭا ەسىمى» رەسپۋبليكالىق بايقاۋىنىڭ جەڭىمپازى دجۋمۋرباەۆ تيمۋر, «قازاقستان جاستارىنىڭ كونگرەسىنىڭ» اتقارۋشى ديرەكتورى توحتار بولىسوۆ, جازۋشى, اقىن, دراماتۋرگ بايانعالي ءالىمجان, اقىن, «دارىن» مەملەكەتتىك جاستار سىيلىعىنىڭ لاۋرەاتى, رەسپۋبليكالىق جازۋشىلار وداعى استانا فيليالىنىڭ ديرەكتورى داۋلەتكەرەي كاپ ۇلى, جوو-نىڭ باسشىلارى, مادەنيەت مەكەمەلەرىنىڭ باسشىلارى جانە قالالىق كىتاپحانا قىزمەتكەرلەرى قاتىستى.