نۇرسۇلتان نازارباەۆ ءمارتەبەلى مەيمانعا قوشەمەت ءبىلدىرىپ, ەكىجاقتى ساۋدا-ەكونوميكالىق قاتىناستاردى دامىتۋدىڭ جانە نىعايتۋدىڭ ماڭىزدىلىعىن اتاپ ءوتتى.
– قازاقستان مەن ارمەنيا اراسىندا ءاردايىم جاقسى قارىم-قاتىناس بولدى. قازاقستانداعى ارميان دياسپوراسى ەلدەرىمىزدىڭ قارىم-قاتىناسىنا دانەكەر بولىپ وتىر, – دەدى ەلباسى.
نيكول پاشينيان قازاقستان-نىڭ تۇڭعىش پرەزيدەنتىنىڭ مەملەكەتارالىق بايلانىستاردى جانە قۇرلىقتاعى ينتەگراتسيالىق ۇدەرىستەردى دامىتۋ ىسىنە ەرەكشە ۇلەس قوسقانىن اتاپ ءوتتى.
ارمەنيانىڭ پرەمەر-ءمينيسترى ەكىجاقتى ەكونوميكالىق ىنتىماقتاستىقتىڭ ودان ءارى نىعايا تۇسەتىنىنە سەنىم ءبىلدىردى.
– ەكونوميكا سالاسىندا جۇمىس ىستەۋگە مۇمكىندىگىمىز بار دەپ ويلايمىن. ەڭ باستىسى, ەكى ەل ۇكىمەتتەرىندە قارىم-قاتىناسىمىزدى دامىتۋعا دەگەن ساياسي ەرىك-جىگەر بار. ءبىزدىڭ حالىقتارىمىز تاريحي تۇرعىدان ءوزارا بايلانىسقان, – دەدى ن.پاشينيان.